ഇടുക്കി: മൂന്നാറില്‍ കസ്റ്റഡിയിലെടുത്ത് പ്രതിക്ക് പൊലിസ് മര്‍ദനത്തില്‍ നട്ടെല്ലിന് പരുക്കേറ്റു. നിരവധി ക്രിമിനല്‍ കേസുകളിലെ പ്രതിയായ സതീശനാണ് പരുക്കേറ്റത്. ഇയാളെ അടിമാലി താലൂക്ക് ആശുപത്രിയില്‍ പ്രവേശിപ്പിച്ചിരിക്കുകയാണ്. അതേസമയം സംഭവത്തില്‍ പങ്കുള്ള മൂന്നാര്‍ സ്റ്റേഷന്‍ എസ്.ഐ ശ്യാംകുമാര്‍, എ.എസ്.ഐ രാജേഷ്, സി.പി.ഒ തോമസ് എന്നിവരെ നടപടിയുടെ ഭാഗമായി ഇടുക്കി പൊലിസ് ക്യാംപിലേക്ക് സ്ഥലം മാറ്റി.

വിനോദ സഞ്ചാരികളെ ആക്രമിച്ച് പണവും സ്വര്‍ണവും കവര്‍ന്ന കേസില്‍ ഇയാള്‍ ഒളിവിലായിരുന്നു. പാലക്കാട്ടു നിന്നും കഴിഞ്ഞ ദിവസമാണ് ഇയാളെ പിടികൂടിയത്. തുടര്‍ന്ന് കോടതിയില്‍ ഹാജരാക്കിയപ്പോഴാണ് തന്നെ പൊലിസ് മര്‍ദിച്ചുവെന്നും ശാരീരിക ബുദ്ധിമുട്ടുകളുണ്ടെന്നും ജഡ്ജിയോട് പറഞ്ഞത്.