സതാംപ്ടണ്‍: ഇന്ത്യന്‍ ക്യാപ്റ്റന്‍ വിരാട് കോഹ്‌ലിക്ക് മാച്ച് ഫീയുടെ 25 ശതമനം പിഴ ശിക്ഷ. ഇന്ത്യ അഫ്ഗാന്‍ മത്സരത്തിനിടെ അംപയറോട് അമിതമായി അപ്പീല്‍ ചെയ്തതിനാണ് ശിക്ഷ. പാക്കിസ്ഥാനില്‍ നിന്നുള്ള അലീം ദാറാണ് മത്സരം നിയന്ത്രിച്ചിരുന്നത്. അഫ്ഗാന്‍ ബാറ്റ് ചെയ്യുന്നതിനിടെ 29ാം ഓവറില്‍ റഹ്മത്ത് ഷായുടെ വിക്കറ്റിനായി അംപയറോട് തര്‍ക്കിക്കുകയായിരുന്നു. ഈ സമയത്ത് അഫ്ഗാനിസ്ഥാന്‍ രണ്ട് വിക്കറ്റ് നഷ്ടത്തില്‍ 106 റണ്‍സ് എന്ന നിലയിലായിരുന്നു. ജസംപ്രീത് ബുംറയുടെ പന്തില്‍ എല്‍.ബി.ഡബ്ല്യുവിനായാണ് കോഹ്‌ലി അംപയറോട് കയര്‍ത്തത്. എന്നാല്‍ അംപയര്‍ അത് ഔട്ടല്ലെന്ന് വിധിച്ചു. ഐ.സി.സി കോഡ് ഓഫ് കണ്ടക്ടിലെ ആര്‍ടിക്കിള്‍ 2.1 ലംഘനത്തിന്റെ പരിധിയില്‍ വരുന്നതാണ് കോഹ്‌ലിയുടെ പ്രവൃത്തിയെന്ന് ഐ.സി.സി പുറത്തിറക്കിയ കുറിപ്പില്‍ പറയുന്നു.