വടുവന്‍ചാല്‍: മൂപ്പൈനാട് ഗ്രാമപഞ്ചായത്ത് 13-ാം പഞ്ചവത്സര പദ്ധതിയുടെ ഭാഗമായി 2017-18 വാര്‍ഷിക പദ്ധതി വികസന സെമിനാര്‍ അവതരിപ്പിച്ചു. ജില്ലാ പഞ്ചായത്ത് പൊതു മരാമത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ പി.കെ അനില്‍ കുമാര്‍ ഉദ്ഘാടനം ചെയ്തു.
ഗ്രാമപഞ്ചായത്ത് പ്രസിഡന്റ് ഷഹര്‍ബാന്‍ സൈതലവി അധ്യക്ഷയായി. പഞ്ചായത്ത് വൈസ് പ്രസിഡന്റ് ഹരിഹരന്‍ വികസന രേഖയും ബ്ലോക്ക് പഞ്ചായത്ത് അംഗം വിജയകുമാരി കരട് പദ്ധതി രേഖയും പ്രകാശനം ചെയ്തു. ആരോഗ്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ യശോദ ആരോഗ്യ കലണ്ടര്‍ പ്രകാശനം നിര്‍വഹിച്ചു. പി.കെ സുഹൈല്‍, ആര്‍ യമുന, പി.സി ഹരിദാസന്‍, കെ വിജയന്‍, കാപ്പന്‍ ഹംസ, എ.കെ റഫീക്ക്, ജോളിസ് സ്‌കറിയ, ദാമോദരന്‍, ഷൈബാന്‍, റസിയ ഹംസ, പ്രബിത, സംഗീത, സതീദേവി സംസാരിച്ചു. യഹ്‌യാഖാന്‍ തലക്കല്‍ പദ്ധതി അവതരിപ്പിച്ചു. കെ രാമചന്ദ്രന്‍ പദ്ധതി ക്രോഡീകരണം നിര്‍വഹിച്ചു. പി സന്തോഷ് കുമാര്‍ സ്വാഗതവും കെ നജീബ് നന്ദിയും പറഞ്ഞു.