കണ്ണൂര്‍: എട്ട് കിലോ കഞ്ചാവുമായി രണ്ടുപേര്‍ കണ്ണൂരില്‍ പിടിയില്‍. ഇന്നലെ പുലര്‍ച്ചെ ആറരയോടെ കണ്ണൂര്‍ പ്ലാസയില്‍ ബംഗളൂരു ബസ് ഇറങ്ങി സിറ്റിയിലേക്ക് പോകുന്നതിനിടെയാണ് ജില്ലാ ആന്റി നര്‍ക്കോട്ടിക്‌സ് സ്‌ക്വാഡ് കണ്ണൂര്‍ സിറ്റി സ്വദേശി റൗഫ് എന്ന കട്ട റഊഫ്(28), മരക്കാര്‍കണ്ടിയിലെ മുഹമ്മദ് ഷഫീഖ്(28) എന്നിവരെ പിടികൂടിയത്. ആന്ധ്രയില്‍നിന്ന് രണ്ട് ബാഗുകളിലായി കഞ്ചാവ് കടത്തുകയായിരുന്നു ഇവര്‍. അറസ്റ്റിലായ റഊഫ് കൊലപാത കേസിലെ പ്രതിയാണ്. നിരവധി കവര്‍ച്ചാ കേസുകളും ഇവര്‍ക്കെതിരേയുണ്ട്. ഒന്നര വര്‍ഷത്തിനിടെ ജില്ലാ ആന്റി നര്‍ക്കോട്ടിക് സ്‌ക്വാഡിന്റെ നേതൃത്വത്തില്‍ 80 കിലോയോളം കഞ്ചാവാണ് പിടികൂടിയത്. ഇന്നലെ പിടികൂടിയ പ്രതികളുടെ കൂട്ടാളികളായ റിഷാദ്, സജീര്‍ എന്നിവരില്‍നിന്ന് മുന്‍പ്പുതിയ സ്റ്റാന്റില്‍ വച്ച് 12 കിലോ കഞ്ചാവ് പിടികൂടിയിരുന്നു.