ആലപ്പുഴ: സമസ്ത കേരള ജംഇയ്യത്തുല്‍ മുഅല്ലിമീന്‍ ആലപ്പുഴ റെയിഞ്ചിന്റെ ആഭിമുഖ്യത്തില്‍ പാഠപുസ്തക പരിചയ ശില്‍പശാല സംഘടിപ്പിച്ചു. പരിഷ്‌കരിച്ച ഒന്ന്, രണ്ട്, മൂന്ന് ക്ലാസുകളിലെ പാഠ്യപദ്ധതി   വിശകലനവും ഗ്രൂപ്പ് ചര്‍ച്ചയും നടന്നു. സമസ്ത കേരള ജംഇയ്യത്തുല്‍ ഉലമ ജില്ലാ പ്രസിഡന്റ് സി.മുഹമ്മദ് അല്‍ഖാസിമി ഉദ്ഘാടനം ചെയ്തു. സയ്യിദ് പി.എം.എസ്.എ  ആറ്റക്കോയ തങ്ങള്‍ പ്രാര്‍ത്ഥന നടത്തി. ജംഇയ്യത്തുല്‍ മുഅല്ലിമീന്‍ റെയിഞ്ച് പ്രസിഡന്റ് എന്‍.പി.എ നാസിര്‍ മുസ്ലിയാര്‍ അധ്യക്ഷതവഹിച്ചു. മുഫത്തിശ് അബ്ദുല്‍ ഗഫൂര്‍ അന്‍വരി വിഷയാവതരണം നടത്തി. റെയിഞ്ച് ജനറല്‍ സെക്രട്ടറി പി. എ ശിഹാബുദ്ദീന്‍ മുസ് ലിയാര്‍ വിശകലന പ്രവര്‍ത്തനങ്ങള്‍ക്ക് നേതൃത്വം നല്‍കി.