ലണ്ടന്‍: കഴിഞ്ഞ ദിവസം ഇന്ത്യയെ വിറപ്പിച്ച് കീഴടങ്ങിയ അഫ്ഗാനിസ്ഥാന്‍ ഇന്ന് ബംഗ്ലാദേശിനെ നേരിടുന്നു.
ദുര്‍ബലരെന്ന് മുദ്രകുത്തിയ രണ്ട് ടീമുകളും സിംഹ വീര്യം പുറത്തെടുത്താണ് വരുന്നത്.
ലോകകപ്പില്‍ കരുത്താര്‍ജ്ജിച്ച ബംഗ്ലാദേശിന് അഫ്ഗാനിസ്ഥാനെ തകര്‍ക്കാമെന്ന വിശ്വാസത്തിലാണ്.
എന്നാലും ഇന്ത്യക്കെതിരേ അഫ്ഗാനിസ്ഥാന്‍ പുറത്തെടുത്ത പ്രകടനം ഞെട്ടിക്കുന്നതായിരുന്നു.
അതിനാല്‍ ഇന്നത്തെ മത്സരം ബംഗ്ലാദേശ് ലാഘവത്തോടെ കണ്ടാല്‍ വലിയ വില നല്‍കേണ്ടി വരും. കളിയിലെ ആത്മവിശ്വാസം തിരിച്ച് പിടിച്ച അഫ്ഗാന്‍ ജയത്തിന് വേണ്ടി പോരാടുമ്പോള്‍ ഇന്നത്തെ മത്സരത്തില്‍ തീ പാറും.
നബി, റാഷിദ് ഖാന്‍ തുടങ്ങിയ താരങ്ങളുടെ സ്ഥിരതയാര്‍ന്ന ഫോം കാരണം അഫ്ഗാന്‍ മികച്ച ടീമായി ഉയര്‍ന്നിട്ടുണ്ട്.
ആസ്‌ത്രേലിയക്കെതിരേയും ഇന്ത്യക്കെതിരേയും മികച്ച പ്രകടനം പുറത്തെടുത്താണ് അഫ്ഗാന്‍ കീഴടങ്ങിയത്.
അതേസമയം ബംഗ്ലാദേശിന് പ്രതീക്ഷ ഷാക്കിബ് അല്‍ ഹസന്റെ ഫോമിലാണ്. മുഷ്ഫിഖുര്‍ റഹീം ഫോം കണ്ടെ@ത്തിയതും ബംഗ്ലാദേശിന്റെ പ്രതീക്ഷ വര്‍ധിപ്പിക്കുന്നു.
ഇന്നത്തെ മത്സരത്തില്‍ അഫ്ഗാനെ തകര്‍ത്താല്‍ ബംഗ്ലാദേശിന് സെമി സാധ്യത നിലനിര്‍ത്താം ടൂര്‍ണമെന്റില്‍ രണ്ട് സെഞ്ചുറി സ്വന്തമാക്കിയ ഷാക്കിബ് ഇന്നും സ്ഥിരതയാര്‍ന്ന പ്രകടനം പുറത്തെടുത്താല്‍ അഫ്ഗാനിസ്ഥാന് ഇന്നത്തെ ജയം സ്വപ്നമായി മാറും.