പടിഞ്ഞാറത്തറ: തെരുവ് നായയുടെ ആക്രമണത്തില്‍ അഞ്ചുപേര്‍ക്ക് പരുക്കേറ്റു. പടിഞ്ഞാറത്തറ മുണ്ടക്കുറ്റി സ്വദേശികളായ കല്ലാച്ചി ഉസ്മാന്റെ മകന്‍ സല്‍മാന്‍(3), കളത്തുപാറ രാഘവന്റെ മകള്‍ അനുശ്രീ(16), കോട്ടവയല്‍ വിന്‍സി(31), മറിയം(50), ഉസാമ(17) എന്നിവര്‍ക്കാണ് പരുക്കേറ്റത്.
കണ്ണിനും തലയ്ക്കും ഗുരുതരമായി പരിക്കേറ്റ സല്‍മാനെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു.
ബാക്കിയുള്ളവര്‍ക്ക് ജില്ലാ ആശുപത്രിയില്‍ ചികിത്സ നല്‍കി. ഇന്നലെ ഉച്ചക്ക് രണ്ടോടെ വീടിനോടടുത്തുള്ള വയലിലും പരിസര പ്രദേശങ്ങളിലുമുള്ളവര്‍ക്കാണ് നായയുടെ കടിയേറ്റത്.