ലണ്ട@ന്‍: ദക്ഷിണാഫ്രിക്കയും പാക്കിസ്താനും തമ്മിലുള്ള നിര്‍ണായക മത്സരത്തില്‍ പാക്കിസ്താന് 49 റണ്‍സ് ജയം. ആദ്യം ബാറ്റ് ചെയ്ത പാക്കിസ്ഥാന്‍ ഏഴ് വിക്കറ്റ് നഷ്ടത്തില്‍ 307 റണ്‍സെടുത്തു. മറുപടി ബാറ്റിങ്ങിനിറങ്ങിയ ദക്ഷിണാഫ്രിക്കക്ക് 259 റണ്‍സെടുക്കാനേ കഴിഞ്ഞുള്ളു.

ടോസ് നേടി ബാറ്റിംഗ് തിരഞ്ഞെടുത്ത പാകിസ്താന്‍ മികച്ച പ്രകടനമാണ് കാഴ്ച്ചവെച്ചത്. ര@ണ്ട് മാറ്റങ്ങളുമായിട്ടാണ് പാക്കിസ്ഥാന്‍ ഇറങ്ങിയത്. ഷോയിബ് മാലിക്കിനും ഹസന്‍ അലിക്കും പകരം ഹാരിസ് സൊഹൈലും ഷഹീനുമാണ് ടീമില്‍ ഇടം പിടിച്ചത്. ഫഖര്‍ സമാനും ഇമാം ഉള്‍ഹക്കും ചേര്‍ന്ന് പാക്കിസ്താന് മികച്ച തുടക്കം നല്‍കി. ഇമാം 58 പന്തില്‍ 44 റണ്‍സെടുത്തു. ഫഖര്‍ സമാന്‍ 50 പന്തില്‍ 44 റണ്‍സെടുത്തു. ഓപ്പണിങ് കൂട്ടുകെട്ടില്‍ 81 റണ്‍സാണ് രണ്ട് പേരും കൂട്ടിച്ചേര്‍ത്തത്. അസം 80 പന്തില്‍ 69 റണ്‍സെടുത്തു. ഏഴ് ബൗണ്ട@റി താരത്തിന്റെ ഇന്നിങ്‌സിലുണ്ട@ായിരുന്നു. പിന്നീടെത്തിയ ഹാരിസ് സുഹൈലാണ് കളി മാറ്റി മറിച്ചത്. 59 പന്തില്‍ 89 റണ്‍സെടുത്ത സുഹൈല്‍ തകര്‍ത്തടിച്ചതോടെ പാകിസ്താന്‍ സ്‌കോര്‍ 300 കടന്നു. ദക്ഷിണാഫ്രിക്കന്‍ നിരയില്‍ എല്ലാ ബൗളര്‍മാരും നന്നായി തല്ലുവാങ്ങി. മറുപടി ബാറ്റിങ്ങിനിറങ്ങിയ ദക്ഷിണാഫ്രിക്കക്ക് തുടക്കത്തിലേ പിഴച്ചു. രണ്ട് റണ്‍സുമായി ഹാശം അംല മടങ്ങി.
60 പന്തില്‍ നിന്ന് ഡീ കോക്ക് 79 പന്തില്‍ 63 റണ്‍സുമായി ഡൂ പ്ലസിസും മികച്ച പിന്തുണ നല്‍കിയെങ്കിലും മധ്യനിര ബാറ്റിങ് തകര്‍ച്ച നേരിടുകയായിരുന്നു. ഇതോടെ ദക്ഷിണാഫ്രിക്കയുടെ ജയിക്കാമെന്ന മോഹവും പൊലിഞ്ഞു. ഏഴ് മത്സരത്തില്‍ നിന്ന് ഒരു ജയം മാത്രമുള്ള ദക്ഷിണാഫ്രിക്ക പട്ടികയില്‍ പിറകിലാണ്.