കണ്ണൂര്‍: എം.ഒ.ജി മലപ്പട്ടത്തിന്റെ ഒരു തിരിവെട്ടം, കെ.വി.ആര്‍ കൊടക്കാടിന്റെ ദാരിക വധം എന്നീ പുസ്തകങ്ങളുടെ പ്രകാശനവും കണ്ണൂര്‍, കാസര്‍കോട് ജില്ലാതല സുഭാഷിതകാരസംഗമവും 31നു നടക്കും. രാവിലെ 10നു ജവഹര്‍ ലൈബ്രറിയില്‍ പ്രഭാഷകന്‍ കെ.പി.എ റഹീം ഉദ്ഘാടനം ചെയ്യും. പുസ്തകങ്ങള്‍ മലയാളഭാഷാ പാഠശാലാ ഡയറക്ടര്‍ ടി.പി ഭാസ്‌കരപൊതുവാള്‍ പ്രകാശനം ചെയ്യും.
ആനന്ദകൃഷ്ണന്‍ ഉപ്പിലിക്കൈയും കെ ജയലക്ഷ്മിയും ഏറ്റുവാങ്ങും. ആകാശവാണി പ്രോഗ്രാം മേധാവി കെ ബാലകൃഷ്ണന്‍ വിശിഷ്ടാതിഥിയാവും. വാര്‍ത്താസമ്മേളനത്തില്‍ എം.ഒ.ജി മലപ്പട്ടം, കെ.വി.ആര്‍ കൊടക്കാട്, കതിരൂര്‍ ടി.കെ ദിലീപ്കുമാര്‍, ആര്‍.പി വലിയന്നൂര്‍, പപ്പന്‍ ചെറുതാഴം എന്നിവര്‍ പങ്കെടുത്തു.