മനാമ: സമസ്തയുടെ സജീവ പ്രവര്‍ത്തകനായിരുന്ന ശിഹാബ് ചെമ്മനാടിന് സമസ്ത ബഹ്‌റൈന്‍ കേന്ദ്ര ആസ്ഥാനത്ത് പ്രാര്‍ഥനാസദസ്സ് സംഘടിപ്പിച്ചു.
ശിഹാബ് അസുഖബാധിതനായതിനെ തുടര്‍ന്നാണ് നാട്ടിലേക്ക് പോയത്. മംഗലാപുരത്ത് സ്വകാര്യ ആശുപത്രിയിലായിരുന്നു മരണം.
നാട്ടില്‍ ഖബറടക്കം കഴിഞ്ഞ ശേഷമാണ് ബഹ്‌റൈനിലെ സമസ്ത കേന്ദ്ര ആസ്ഥാനത്ത് മയ്യിത്ത് നിസ്‌കാരവും സമൂഹ പ്രാര്‍ഥനയും നടന്നത്. മനാമയില്‍ നിന്നും പരിസര പ്രദേശങ്ങളില്‍ നിന്നുമായി നിരവധി പേര്‍ പങ്കെടുക്കാനെത്തി.
ചടങ്ങിന് സമസ്ത ബഹ്‌റൈന്‍ പ്രസിഡന്റ് സയ്യിദ് ഫഖ്‌റുദ്ദീന്‍ കോയ തങ്ങള്‍ നേതൃത്വം നല്‍കി.
സുഹൃത്തുക്കളും സഹപ്രവര്‍ത്തകരുമുള്‍പ്പെടെ നിരവധിപേര്‍ പങ്കെടുത്ത വികാരനിര്‍ഭരമായിരുന്ന സദസ്.