തിരുവനന്തപുരം:പൊലിസ്   ട്രെയിനിങ് കോളജില്‍ ഇന്ദിരാഗാന്ധി നാഷണല്‍ ഓപ്പണ്‍ യൂണിവേഴ്‌സിറ്റിയുടെ കോഴ്‌സുകള്‍ നടത്തുന്നതിനുള്ള പഠനകേന്ദ്രം അനുവദിച്ചു. കുറ്റാന്വേഷണം, നിയമം, നീതി നിര്‍വ്വഹണം എന്നിവയുമായി ബന്ധപ്പെട്ട കോഴ്‌സുകളാണ് ഇവിടെ അനുവദിച്ചിട്ടുള്ളത്. ഇതിന്റെ ഭാഗമായി 2016 ആഗസ്റ്റ് മുതല്‍ ആരംഭിക്കുന്ന പിജി ഡിപ്ലോമ (ക്രിമിനല്‍ ജസ്റ്റിസ്), ഡിപ്ലോമ (പാരാ ലീഗല്‍ പ്രാക്ടീസ്) എന്നീ കോഴ്‌സുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു. പിജി ഡിപ്ലോമ (ക്രിമിനല്‍ ജസ്റ്റിസ്) കോഴ്‌സിന് ബിരുദധാരികള്‍ക്ക് അപേക്ഷിക്കാം. ഒരു വര്‍ഷമാണ് കാലാവധി. ഡിപ്ലോമ (പാരാ ലീഗല്‍ പ്രാക്ടീസ്) കോഴ്‌സിന് പ്ലസ് ടു അഥവാ തത്തുല്യ യോഗ്യതയുള്ളവര്‍ക്ക് അപേക്ഷിക്കാം. കോഴ്‌സ് കാലാവധി ഒരു വര്‍ഷം. കൂടുതല്‍ വിവരങ്ങള്‍ക്ക് വൈസ് പ്രിന്‍സിപ്പാള്‍, പൊലിസ് ട്രെയിനിങ് കോളേജ് & പ്രോഗാം ഇന്‍ ചാര്‍ജ്ജ്, ഇഗ്നോ സ്റ്റഡി സെന്റര്‍ (ഫോണ്‍-9497990222), ലെയ്‌സണ്‍ ഓഫീസര്‍, ഇഗ്നോ സ്റ്റഡി സെന്റര്‍ (ഫോണ്‍-9567634112) എന്നിവരെ ബന്ധപ്പെടണം.