വാഷിങ്ടണ്‍: പശ്ചിമേഷ്യയിലെ സംഘര്‍ഷം രൂക്ഷമായിരിക്കെ ഇറാന്‍ പരമോന്നത നേതാവ് ആയത്തുല്ല ഖാംനാഇയുടെ ഓഫിസ് ഉള്‍പ്പെടെയുള്ളവക്കെതിരേ ഉപരോധവുമായി യു.എസ്. ഉപരോധത്തിനുള്ള ഉത്തരവില്‍ ഒപ്പുവയ്‌ച്ചെന്ന് യു.എസ് പ്രസിഡന്റ് ഡൊണാള്‍ഡ് ട്രംപ് പറഞ്ഞു. പരമോന്നത നേതാവിന്റെ ഓഫിസ്, അദ്ദേഹവുമായി ചേര്‍ന്ന് പ്രവര്‍ത്തിക്കുന്നവര്‍, സാമ്പത്തിക ഉറവിടങ്ങള്‍, പിന്തുണക്കുന്നവര്‍ തുടങ്ങിയവരെ ഉപരോധ ബാധിക്കുമെന്നും ട്രംപ് വ്യക്തമാക്കി.