പാറ്റ്‌ന: ബിഹാറിലെ ആര്‍.ജെ.ഡി എം.പി മുഹമ്മദ് ഷഹാബുദ്ദീന്റെ ഗണ്‍മാന്‍ മുഹമ്മദ് തൗരീജ് ആലം വെടിയേറ്റുമരിച്ചു. വെള്ളിയാഴ്ച ഉച്ചയോടെയായിരുന്നു സംഭവം.

ഒരു സ്ഥലത്തേക്കു പോകാന്‍ കാറില്‍ ഇരിക്കുകയായിരുന്നു ആലം. ഇതിനിടയില്‍ മോട്ടോര്‍സൈക്കിളുകളിലെത്തിയ അക്രമികള്‍ വെടിയുതിര്‍ക്കുകയായിരുന്നു.

അഞ്ചു പ്രാവശ്യം ആലമിനെതിരെ നിറയൊഴിച്ചു. ആശുപത്രിയിലേക്കുള്ള വഴിയില്‍ അദ്ദേഹം മരിക്കുകയായിരുന്നു.

നിരവധി കേസുകള്‍ ഉള്ളയാളാണ് ആലം. കഴിഞ്ഞകുറച്ചു വര്‍ഷങ്ങളായി അദ്ദേഹം സജീവമായി രംഗത്തില്ല. അടുത്ത നിയമസഭാ തെരഞ്ഞെടുപ്പില്‍ അദ്ദേഹം മത്സരിക്കാനൊരുങ്ങിയിരുന്നതായും റിപ്പോര്‍ട്ടുണ്ട്.