കോട്ടയം: കെവിന്റേത് അപകടമരണമല്ലെന്ന് അന്വേഷണ ഉദ്യോഗസ്ഥന്‍ ഡിവൈ.എസ്.പി ഗിരീഷ് പി. സാരഥി കോടതിയില്‍. ചാലിയേക്കരയില്‍ പരിശോധന നടത്തിയ ആരോഗ്യ വകുപ്പിന്റെ വിദഗ്ധ സംഘം കെവിന്റെ മരണം അപകടമരണമല്ലെന്ന് കണ്ടെത്തിയതിന്റെ അടിസ്ഥാനത്തിലാണ് കൊലപാതകമാണെന്ന നിഗമനത്തില്‍ അന്വേഷണം നടത്തിയതെന്ന് ഗിരീഷ് പി. സാരഥി കോടതിയില്‍ പറഞ്ഞു.
പ്രതികള്‍ വ്യത്യസ്ത വഴികളിലൂടെ ചാലിയേക്കരയില്‍ എത്തിയതുകൊണ്ടാണ് ഇവര്‍ തമ്മില്‍ കൂടുതല്‍ ഫോണ്‍ സംഭാഷണം ഉണ്ടായതെന്നും അദ്ദേഹം പറഞ്ഞു. ഗിരീഷ് പി. സാരഥിയുടെ വിസ്താരം ഇന്നലെയോടെ പൂര്‍ത്തിയായി.