കോഴിക്കോട്: ലോക ലഹരി വിരുദ്ധ ദിനാചരണത്തിന്റെ ഭാഗമായി എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആഭിമുഖ്യത്തില്‍ കുറ്റിപ്പുറം കേന്ദ്രമായി പ്രവര്‍ത്തിക്കുന്ന വെല്‍നസ് ഇന്‍സ്റ്റിറ്റ്യൂട്ട് ഓഫ് സൈക്കോ സൊല്യൂഷന്‍സ് ആന്‍ഡ് റിഹാബിലിറ്റേഷന്‍ വിവിധ ബോധവല്‍ക്കരണ പരിപാടികള്‍ നടത്തും.
ക്ലാസുകള്‍, ലഹരി വിരുദ്ധ പ്രതിജ്ഞ, പ്രമോ വിഡിയോ മത്സരം, സമൂഹ മാധ്യമ പ്രചാരണം തുടങ്ങിയവയാണ് സംഘടിപ്പിക്കുന്നത്.
ജൂണ്‍ 26ന് വളവന്നൂര്‍ ബാഫഖി യതീംഖാന റസിഡന്‍ഷ്യല്‍ ഹൈസ്‌കൂളില്‍ സംസ്ഥാന തല ഉദ്ഘാടനം നടക്കും. പ്രമുഖ കൗണ്‍സിലര്‍മാരും വിവിധ വകുപ്പ് ഉദ്യോഗസ്ഥരും മത - രാഷ്ട്രീയ രംഗത്തെ പ്രമുഖരും പരിപാടിയില്‍ സംബന്ധിക്കും.