ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ഈ വര്‍ഷം മുതല്‍ നടപ്പാക്കുന്ന തഹ്‌സീനുല്‍ ഖിറാഅ പദ്ധതിയുടെ സംസ്ഥാനതല ഉദ്ഘാടനം ഇന്ന് രാവിലെ 10 മണിക്ക് എടവണ്ണപ്പാറ റശീദിയ്യ അറബിക് കോളജില്‍ നടക്കും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ അധ്യക്ഷനാകും. കെ.എം അബ്ദുല്ല മാസ്റ്റര്‍ കൊട്ടപ്പുറം മുഖ്യപ്രഭാഷണം നടത്തും. കെ.മോയിന്‍കുട്ടി മാസ്റ്റര്‍ പദ്ധതി വിശദീകരിക്കും. പദ്ധതിയുടെ ഭാഗമായി ജൂലൈ ഒന്ന് മുതല്‍ റെയ്ഞ്ചുകള്‍ കേന്ദ്രീകരിച്ച് മുഅല്ലിംകള്‍ക്ക് പ്രത്യേക പരിശീലനം നല്‍കും. 31 മുജവ്വിദുമാരെ ഇതിനുവേണ്ടി നിയമിച്ചിട്ടുണ്ട്.