പൊന്നാനി: പി.ഡി.പി ചെയര്‍മാന്‍ അബ്ദുല്‍ നാസര്‍ മഅ്ദനിയെ അന്യായമായി കുടുക്കാന്‍ ഉന്നതതല ഗൂഡാലോചന നടന്നിരുന്നുവെന്നും അതിനൊപ്പം നില്‍ക്കാത്തതിന്റെ തിക്തഫലം തന്റെ സര്‍വിസ് കാലയളവില്‍ അനുഭവിക്കേണ്ടി വന്നു എന്നുമുള്ള മുന്‍ വിജിലന്‍സ് ഡയറക്ടറും ഡി.ജി.പിയുമായ ജേക്കബ് തോമസിന്റെ വെളിപ്പെടുത്തലിന്റെ പശ്ചാത്തലത്തില്‍ മഅ്ദനിക്കെതിരേ നടന്ന ഗൂഡാലോചന അന്വേഷിക്കണമെന്നും അതിന് നേതൃത്വം കൊടുത്തവരെ നിയമത്തിന് മുന്നില്‍ കൊണ്ടുവരാന്‍ ഇടതുപക്ഷ സര്‍ക്കാര്‍ ആര്‍ജ്ജവം കാണിക്കണമെന്നും പി.ഡി.പി മലപ്പുറം ജില്ലാ കമ്മിറ്റി അംഗം അസീസ് വെളിയങ്കോട് ആവശ്യപ്പെട്ടു. പാര്‍ട്ടിയുടെ പൊന്നാനി നിയോജകമണ്ഡലം കൗണ്‍സില്‍ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നിര്‍ധനര്‍ക്ക് ഒരു കൈത്താങ് എന്ന സന്ദേശമുയര്‍ത്തി സ്വാന്ത്വനം 2017 എന്ന പേരില്‍ വിശുദ്ധ റംസാനില്‍ റിലീഫ് പ്രവര്‍ത്തനങ്ങള്‍ സംഘടിപ്പിക്കുവാനും യോഗം തീരുമാനിച്ചു. നിയോജകമണ്ഡലം പ്രസിഡന്റ് എം.മൊയ്തുണ്ണി ഹാജി അധ്യക്ഷനായി. സെക്രട്ടറി ഫൈസല്‍ ചങ്ങരംകുളം, ട്രഷറര്‍ ഷാഫി പെരുമ്പടപ്പ്, പി.സി.എഫ് മണ്ഡലം പ്രസിഡന്റ് ഇസ്മായില്‍ പുതുപൊന്നാനി, സെക്രട്ടറി മൊയ്തുണ്ണി ചിയാനൂര്‍ എന്നിവര്‍ സംസാരിച്ചു.