മലപ്പുറം : മദ്‌റസ പഠനത്തോടൊപ്പം എസ്.എസ്.എല്‍.സി, പ്ലസ്ടു പരീക്ഷകളില്‍ എല്ലാ വിഷയങ്ങള്‍ക്കും എ പ്ലസ് ലഭിച്ച വിദ്യാര്‍ഥികള്‍ക്ക് എസ്.കെ.ജെ.എം മലപ്പുറം ഈസ്റ്റ് ജില്ലാ കമ്മറ്റി നല്‍കുന്ന അവാര്‍ഡ് ദാനവും അനുമോദനവും ഇന്ന് ഉച്ചക്ക് 2.30 ന് മലപ്പുറം സുന്നിമഹല്‍ ഓഡിറ്റോറിയത്തില്‍ നടക്കും.  
സമസ്ത കേരള ജംഇയ്യത്തുല്‍ മുഅല്ലിമീന്‍ മലപ്പുറം ഈസ്റ്റ് ജില്ലാ കമ്മറ്റി പെരിന്തല്‍മണ്ണ പട്ടിക്കാട് എം.ഇ.എ എന്‍ജിനിയറിങ്  കോളജുമായി സഹകരിച്ചാണ്  അവാര്‍ഡുകള്‍ നല്‍കുന്നത്. പെരിന്തല്‍മണ്ണ, നിലമ്പൂര്‍, വണ്ടൂര്‍, മഞ്ചേരി, മലപ്പുറം, കൊളത്തൂര്‍, കൊണ്ടോട്ടി , എടവണ്ണപ്പാറ എന്നീ മേഖലകളില്‍ നിന്നായി ഇരുന്നൂറോളം വിദ്യാര്‍ഥികളാണ് അവാര്‍ഡിന് അര്‍ഹരായിട്ടുള്ളത്.
സമസ്ത, സംസ്ഥാന കലാമേളയില്‍ ജില്ലയെ വിജയത്തിലെത്തിച്ച കലാമേളയില്‍ പങ്കെടുത്ത മുഴുവന്‍ പ്രതിഭകളെയും ചടങ്ങില്‍ ആദരിക്കും.
സംസ്ഥാന, ജില്ലാ നേതാക്കള്‍ പരിപാടിയില്‍ പങ്കെടുക്കും.