തിരുവനന്തപുരം: സിവില്‍ സപ്ലൈസ് വകുപ്പില്‍ ആന്ധ്രയില്‍ നിന്ന് അരിയും മുളകും മറ്റും വാങ്ങുന്നതില്‍ ഇടനിലക്കാരും രാഷ്ട്രീയ, ഉദ്യോഗസ്ഥ ലോബിയും കള്ളക്കളി നടത്തുന്നതു തടയാന്‍ മന്ത്രി ആന്ധ്രയിലെ കമ്പനികളില്‍ നേരിട്ടെത്തി.

കേരളത്തിലേക്ക് കുറഞ്ഞ നിരക്കില്‍ അരിയെത്തിക്കാനുള്ള നടപടി സുതാര്യമാക്കാനാണ് ഭക്ഷ്യ സിവില്‍ സപ്ലൈസ് മന്ത്രി തിലോത്തമന്‍ ആന്ധ്രയിലെത്തിയത്.

ഇടനിലക്കാരില്ലാതെ കേരളത്തിലേക്ക് അരി എത്തിക്കാമോ എന്നാരായാനാണു മന്ത്രിയും സംഘവും ആന്ധ്രയില്‍ കമ്പനി പ്രതിനിധികളുമായി ചര്‍ച്ച നടത്തുന്നത്. ആന്ധ്ര ഭക്ഷ്യ, സിവില്‍ സപ്ലൈസ് മന്ത്രി പരിതല സുനിതമ്മയുമായും തിലോത്തമനും സംഘവും ചര്‍ച്ച നടത്തി. ആന്ധ്ര അരിക്ക് കേരളത്തില്‍ വന്‍ ഡിമാന്‍ഡാണുള്ളത്.  ജയ, മട്ട അരിക്ക് കേരളത്തില്‍ ഏറെ ആവശ്യക്കാരുï്.

നിലവില്‍ ആന്ധ്ര അരി കേരളത്തിലെത്തിക്കുന്ന മൊത്തവ്യാപാരികളില്‍ നിന്നാണു സിവില്‍ സപ്ലൈസിലേക്ക് സര്‍ക്കാര്‍ അരി വാങ്ങുന്നത്. ഇടനിലക്കാരാകട്ടെ പലപ്പോഴും സ്‌റ്റോക്ക് പൂഴ്ത്തിവച്ചു വില കൂട്ടാറുï്. ഇതു തടയാനാണ് നേരിട്ട് അരി വാങ്ങുന്നതിനെക്കുറിച്ച് ചര്‍ച്ചകള്‍ക്കായി മന്ത്രിയും സംഘവും ആന്ധ്രയില്‍ സന്ദര്‍ശനം നടത്തുന്നത്.

സിവില്‍ സപ്ലൈസ് വകുപ്പ് സെക്രട്ടറി സഞ്ജയ്കൗള്‍, ഡയറക്ടര്‍ ഡോ. ആശാ തോമസ്, വകുപ്പിലെ മുതിര്‍ന്ന ഉദ്യോഗസ്ഥര്‍ തുടങ്ങിയവര്‍ മന്ത്രിക്കൊപ്പമുï്.