മുട്ടില്‍: ഈ വര്‍ഷത്തെ എസ് എസ് എല്‍ സി പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ വിദ്യാര്‍ഥികളെ  വയനാട് മുസ്‌ലിം യതീംഖാന ആദരിച്ചു.ചടങ്ങ് കല്‍പ്പറ്റ ഡി വൈ എസ് പി മുഹമ്മദ് ഷാഫി ഉദ്ഘാടനം  ചെയ്തു.യതീംഖാന ജനറല്‍ സെക്രട്ടറി എം എ മുഹമ്മദ് ജമാല്‍ അധ്യക്ഷനായി. ഡ.ബ്ല്യൂ.എം ഒ സെക്രട്ടറി മായന്‍ മണിമ, കമ്മിറ്റിയംഗം അഹമ്മദ് മാസ്റ്റര്‍, മാനേജര്‍ മുജീബ് ഫൈസി, അഡ്മിനിസ്‌ട്രേറ്റര്‍ അബ്ദുല്‍ റസാഖ്, സി എച്ച്  ഫസല്‍, മുനീര്‍ വടകര, മുജീബ് പറളിക്കുന്ന് എന്നിവര്‍ സംസാരിച്ചു.
യതീംഖാന ഒയാസിസ് കമ്മിറ്റി പ്രസിഡന്റ് നൗഷാദ് ഗസ്സാലി സ്വാഗതവും ജനറല്‍ സെക്രട്ടറി വി പി സി ലുഖ്മാനുല്‍ ഹക്കീം നന്ദിയും പറഞ്ഞു.