കോഴിക്കോട്: എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ പ്രബോധക വിഭാഗമായ ഇബാദിന്റെ ഖാഫില പദ്ധതിക്കായി സംഘടനയുടെ യു.എ.ഇ ഘടകം ടെംപോ ട്രാവലര്‍ നല്‍കി. ഇബാദിന്റെ കീഴില്‍ ലഹരിക്കും മറ്റു സാമൂഹ്യ തിന്മകള്‍ക്കുമെതിരേ വിവിധ പ്രദേശങ്ങളില്‍ നടന്നുവരുന്ന ബോധവല്‍ക്കരണ സംഘമാണ് ഖാഫില.
എസ്.കെ.എസ്.എസ്.എഫ് യു.എ.ഇ നാഷനല്‍ കമ്മിറ്റിയാണ് പുതിയ വാഹനം നല്‍കിയത്. പാണക്കാട് നടന്ന ചടങ്ങില്‍ സയ്യിദ് അബ്ബാസലി ശിഹാബ് തങ്ങള്‍, എസ്.കെ.എസ്.എസ്.എഫ് പ്രസിഡന്റ് സയ്യിദ് ഹമീദലി ശിഹാബ് തങ്ങള്‍ക്ക് താക്കോല്‍ നല്‍കി ലോഞ്ചിങ് നിര്‍വഹിച്ചു. യു.എ.ഇ നാഷനല്‍ പ്രസിഡന്റ് സയ്യിദ് ശുഐബ് തങ്ങള്‍ അധ്യക്ഷനായി. സയ്യിദ് അബ്ദുറഹിമാന്‍ തങ്ങള്‍ അബൂദബി, സത്താര്‍ പന്തലൂര്‍, ഹബീബ് ഫൈസി കോട്ടോപ്പാടം, സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി, പി.എംറഫീഖ് അഹ്മദ്, ഹുസൈന്‍ ദാരിമി ദുബൈ, ഇബ്‌റാഹീം ഫൈസി പേരാല്‍, സയ്യിദ് യാസീന്‍ തങ്ങള്‍ റാസല്‍ഖൈമ, ഷൗക്കത്തലി മൗലവി വെള്ളമുണ്ട, സാലിം ഫൈസി കൊളത്തൂര്‍, ഇസ്ഹാഖ് കുന്നക്കാവ് ഷാര്‍ജ, കുഞ്ഞാലന്‍കുട്ടി ഫൈസി, ആസിഫ് ദാരിമി പുളിക്കല്‍, ജലീല്‍ എടക്കുളം, ജബ്ബാര്‍ കോട്ടക്കല്‍, സുബൈര്‍ മങ്ങാട്, റാഫി പുനൂര്‍, സലാം ഗൂഡലൂര്‍, മൊയ്തീന്‍ കുട്ടി യമാനി പന്തിപ്പൊയില്‍, അയ്യൂബ് മാസ്റ്റര്‍ മുട്ടില്‍ സംബന്ധിച്ചു. ഇബാദ് കണ്‍വീനര്‍ സാജിഹു ശമീര്‍ അസ്ഹരി സ്വാഗതവും ആഷിഖ് കുഴിപ്പുറം നന്ദിയും പറഞ്ഞു.