ചേളാരി: അസോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റിറ്റിയൂഷന്‍സി( അസ്മി)ല്‍ അഫിലിയേറ്റ് ചെയ്ത സ്ഥാപന മേധാവികളുടെ യോഗം നാളെ ചേളാരി സമസ്താലയത്തില്‍ നടക്കും. ഈ അക്കാദമിക് വര്‍ഷത്തില്‍ അസ്മി നടപ്പിലാക്കാനുദ്ദേശിക്കുന്ന നൂതന പദ്ധതികള്‍ യോഗത്തില്‍ വിശദീകരിക്കും. വിദ്യഭ്യാസ മേഖലയിലെ പുതിയ രീതികളും നേരിടുന്ന വെല്ലുവിളികളും ഇതോടൊപ്പം ചര്‍ച്ച ചെയ്യും.
സമസ്ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ ഉദ്ഘാടനം നിര്‍വഹിക്കും. സമസ്ത മുശാവറ അംഗം ഉമര്‍ ഫൈസി മുക്കം മുഖ്യപ്രഭാഷണം നടത്തും. അസ്മി സംസ്ഥാന പ്രസിഡന്റ് പാണക്കാട് അബ്ബാസലി ശിഹാബ് തങ്ങള്‍, ഡോ. എന്‍.എ.എം അബ്ദുല്‍ ഖാദര്‍, പിണങ്ങോട് അബൂബക്കര്‍, അബ്ദുല്ല മാസ്റ്റര്‍ കൊട്ടപ്പുറം, മോയിന്‍കുട്ടി മാസ്റ്റര്‍, എം.എ ചേളാരി, ഹാജി പി.കെ മുഹമ്മദ്, കെ.കെ.എസ് തങ്ങള്‍, പി.വി മുഹമ്മദ് മൗലവി തുടങ്ങിയവര്‍ സംബന്ധിക്കും.
വിദ്യാഭ്യാസ മേഖലയിലെ പ്രമുഖര്‍ വിവിധ സെഷനുകള്‍ക്ക് നേതൃത്വം നല്‍കും. സംസ്ഥാനത്തിനകത്തും പുറത്തുമുള്ള, അസ്മിയില്‍ അംഗത്വമുള്ള മുന്നൂറോളം സ്ഥാപനങ്ങളിലെ മാനേജ്‌മെന്റ് പ്രതിനിധികളാണ് സംബന്ധിക്കുക.