വടകര: ഒഞ്ചിയം പഞ്ചായത്ത് ജലസ്വാശ്രയ ഗ്രാമമാകുന്നു. ഇതിനായി വിവിധ പദ്ധതികളാണ് ആവിഷ്‌കരിച്ചിരിക്കുന്നത്. പദ്ധതി പ്രവര്‍ത്തനത്തിന്റെ ഭാഗമായി പഞ്ചായത്തിലെ ആറാം വാര്‍ഡിലെ മൊയിലോത്ത് കുളം ജനകീയകൂട്ടായ്മയിലൂടെ ശുചീകരിച്ചു.
പഞ്ചായത്തിലേക്കാവശ്യമായ വെള്ളം ലഭിക്കുന്ന കുളമാണ് മൊയിലോത്ത് കുളം.
ഏറെക്കാലമായി അവഗണനയില്‍ കഴിയുന്ന കുളം പായലും ചെളിയും നിറഞ്ഞ് കിടക്കുകയാണ്. ആറാം വാര്‍ഡ് ജലകര്‍മസേനയുടെ ആഭിമുഖ്യത്തിലാണ് ശുചീകരണപ്രവൃത്തി നടക്കുന്നത്. കുളം നവീകരണം ജില്ലാ പഞ്ചായത്ത് മെമ്പര്‍ ടി.കെ രാജന്‍ മാസ്റ്റര്‍ ഉദ്ഘാടനം ചെയ്തു.
പഞ്ചായത്ത് വൈസ് പ്രസിഡന്റ് പി. ജയരാജന്‍, എം.എം ബാലന്‍, കോയിറ്റോടി ഗംഗാധരക്കുറുപ്പ്, പി.സി രാജേഷ്, എം.എം കുമാരന്‍ മാസ്റ്റര്‍, ശ്രീജിത്ത് മലോല്‍, ബേബി ഗിരിജ സംസാരിച്ചു.