പനജി: ഈ സീസണ്‍ ഐ.എസ്.എല്ലിനായുള്ള നോര്‍ത്ത് ഈസ്റ്റ് യുനൈറ്റഡിന്റെ ടീം പ്രഖ്യാപിച്ചു. മൂന്ന് മലയാളികള്‍ ഉള്‍പ്പെടുന്നതാണ് ഇത്തവണത്തെ നോര്‍ത്ത് ഈസ്റ്റിന്റെ സ്‌ക്വാഡ്. മുന്‍ ചെന്നൈ സിറ്റി താരം മഷൂര്‍ ഷരീഫും, ഇന്ത്യന്‍ നേവിയുടെ താരമായിരുന്ന ബ്രിട്ടോയും, മോഹന്‍ ബഗാന്‍ താരമായിരുന്ന വി.പി സുഹൈറുമാണ് നോര്‍ത്ത് ഈസ്റ്റ് യുനൈറ്റഡ് നിരയിലുള്ള മലയാളികള്‍. ഐ ലീഗില്‍ നടത്തിയ മികച്ച പ്രകടമാണ് മൂന്ന് പേരേയും ഐ.എസ്.എല്ലിലെത്തിച്ചത്.
35കാരനായ സ്പാനിഷ് പരിശീലകന്‍ ജെറാഡ് നസാണ് ഇത്തവണ നോര്‍ത്ത് ഈസ്റ്റ് യുനൈറ്റഡിനെ പരിശീലിപ്പിക്കുന്നത്. കഴിഞ്ഞ സീസണില്‍ നോര്‍ത്ത് ഈസ്റ്റിനൊപ്പം ഉ@ണ്ടായിരുന്ന വിദേശ താരം ഗലേഹോ മാത്രമാണ് നോര്‍ത്ത് ഈസ്റ്റ് യുനൈറ്റഡ് നിലനിര്‍ത്തിയ വിദേശ താരം. ആറ് പുതിയ വിദേശ താരങ്ങളെ നോര്‍ത്ത് ഈസ്റ്റ് പുതുതായി ടീമിലെത്തിച്ചിട്ടുണ്ട്. ബെഞ്ചമിന്‍ ലാമ്പോട്ട്, ഡൈലന്‍ ഫോക്‌സ്, കമാര, ലൂയിസ് മക്കാഡോ, ഇദ്രിസ സില്ല, ക്വെസി അപ്പിയ എന്നിവരാണ് നോര്‍ത്ത് ഈസ്റ്റിന്റെ പുതിയ വിദേശ താരങ്ങള്‍. നവംബര്‍ 21ന് മുംബൈ സിറ്റിക്ക് എതിരെയാണ് നോര്‍ത്ത് ഈസ്റ്റിന്റെ ആദ്യ മത്സരം.