സിഡ്‌നി: ആസ്‌ത്രേലിയയിലെ അഡലെയ്ഡില്‍ കൊവിഡ് വീണ്ടും വ്യാപിക്കുന്നു. കഴിഞ്ഞ ദിവസം അഡിലെയ്ഡില്‍ മാത്രം 17 കേസുകളാണ് റിപ്പോര്‍ട്ട് ചെയ്തത്. ഇത് ഇന്ത്യ - ആസ്‌ത്രേലിയ പരമ്പരയെ ബാധിക്കുമോ എന്ന ആശങ്കയിലാണ് അധികൃതര്‍.
കൊവിഡിനെ തുടര്‍ന്ന് വെസ്റ്റേണ്‍ ആസ്‌ത്രേലിയ, നോര്‍ത്തേണ്ട ടെറിറ്ററി എന്നിവിടങ്ങളില്‍ കടുത്ത നിയന്ത്രണങ്ങള്‍ കൊണ്ടുവന്നിട്ടുണ്ട്. പരമ്പരയില്‍ പങ്കെടുക്കുന്ന ഏതാനും താരങ്ങള്‍ ഐസൊലേഷനില്‍ പോയതും ആശങ്ക ഉയര്‍ത്തുന്ന കാര്യമാണ്. ആസ്‌ത്രേലിയന്‍ താരം ടീം പെയിനും ഐസൊലേഷനില്‍ കഴിയുകയാണെന്നാണ് വിവരം.
ഇന്ത്യയും - ഓസീസും തമ്മിലുള്ള പരമ്പര നിശ്ചയിച്ച പ്രകാരം നടക്കുമെന്ന് ക്രിക്കറ്റ് ആസ്‌ത്രേലിയ അവകാശപ്പെടുന്നുണ്ടെങ്കിലും ഇത് നടപ്പിലാകുമോ എന്ന ആശങ്കലിയാണ് അധികൃതര്‍.
മത്സരത്തില്‍ കാണികളെ പ്രവേശിപ്പിക്കാനുള്ള നീക്കവുമുണ്ടായിരുന്നു. ഒരുപക്ഷെ ഈ തീരുമാനം മാറ്റേണ്ടി വരും.