പേരാമ്പ്ര: മദര്‍ തെരേസ ബി.എഡ് കോളജ്, കൗണ്‍സില്‍ ഫോര്‍ എജ്യുക്കേഷന്‍,
കോമണ്‍വെല്‍ത്ത് കൗണ്‍സില്‍ ഫോര്‍ എജ്യുക്കേഷന്‍ സംയുക്തമായി ബി. എഡ് കോളജില്‍ ഈ മാസം 22, 23 തിയതികളില്‍ അന്താരാഷ്ട്ര വിദ്യാഭ്യസ സെമിനാര്‍ നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ' മിഷന്‍ 2030, വിദ്യാഭ്യാസത്തിന്റെ മുന്‍ഗണന, തടസങ്ങള്‍, ലക്ഷ്യം' എന്ന വിഷയത്തില്‍ നടക്കുന്ന സെമിനാര്‍ 22 ന് രാവിലെ 10 ന് സെന്‍ട്രല്‍ യൂനിവേഴ്‌സിറ്റി ഓഫ് കേരള വൈസ് ചാന്‍സിലര്‍ പ്രൊഫസര്‍ ഡോ: ജി. ഗോപകുമാര്‍ ഉദ്ഘാടനം ചെയ്യും. 23ന് രാവിലെ 11 ന് ധാക്ക യൂനിവേഴ്‌സിറ്റി ഡയരക്ടര്‍ ഡോ: അരുണ്‍കുമാര്‍ ഗോസ്വാമി, ഡോ. സെന്തില്‍നാഥന്‍  പ്രബന്ധമവതരിപ്പിക്കും, വൈകുന്നേരം 3. 30 ന് പ്രൊഫ. ഡോ. പി. കേളു സമാപന സമ്മേളനം ഉദ്ഘാടനം ചെയ്യും.
വാര്‍ത്താ സമ്മേളനത്തില്‍ കോളജ് മാനേജര്‍ ഫാ. മാത്യു കളരിക്കല്‍, പ്രിന്‍സിപ്പാല്‍ ടി. വി ബിന്ദു, കോളജ് യൂനിയന്‍ ചെയര്‍മാന്‍ ജെസ്റ്റോ  ജോസഫ്,  പി .ജി സുരേന്ദ്രന്‍ സംബന്ധിച്ചു.