കൊല്ലം: പൊലിസ് ഡ്രൈവര്‍ മണിയന്‍പിള്ളയെ കൊലപ്പെടുത്തിയ കേസില്‍ ആട് ആന്റണിക്കു ജീവപര്യന്തം കഠിനതടവ് ശിക്ഷ. കൊല്ലം പ്രിന്‍സിപ്പല്‍ സെഷന്‍സ് കോടതിയാണ് ശിക്ഷ വിധിച്ചത്. മറ്റു കുറ്റകൃത്യങ്ങളിലായി 15 വര്‍ഷം തടവുശിക്ഷ അനുഭവിക്കണം. കൂടാതെ 4.45 ലക്ഷം രൂപ പിഴയായും നല്‍കണം. കൊലപാതകം, കൊലപാതകശ്രമം, വ്യാജരേഖ ചമയ്ക്കല്‍, സര്‍ക്കാര്‍ ഉദ്യോഗസ്ഥനെ ആക്രമിച്ചു പരുക്കേല്‍പ്പിക്കല്‍ തുടങ്ങിയ കുറ്റങ്ങളാണ് ആട് ആന്റണി നടത്തിയതായി കോടതി കïെത്തിയത്.

ഓരോ കുറ്റത്തിനും പ്രത്യേകമായാണു ശിക്ഷ. കൊലപാതകത്തിനു ജീവപര്യന്തം കഠിനതടവും എ.എസ്.ഐ ജോയിയെ ആക്രമിച്ചതിന് കൊലപാതകശ്രമത്തിന് 10 വര്‍ഷം തടവും രïുലക്ഷം രൂപ പിഴയും നല്‍കണം. മറ്റു കുറ്റകൃത്യങ്ങള്‍ക്ക് അഞ്ചുവര്‍ഷം തടവും അനുഭവിക്കണം.
ജീവപര്യന്തം തടവിനു പുറമെ വിവിധ വകുപ്പുകളിലായി 15 വര്‍ഷത്തെ തടവും പ്രത്യേകമായി ആട് ആന്റണിക്കു കോടതി വിധിച്ചതോടെ 25 വര്‍ഷത്തെ തടവുശിക്ഷ ഇയാള്‍ അനുഭവിക്കേïി വരും. ഈ മാസം 20നായിരുന്നു കേസില്‍ ആട് ആന്റണി കുറ്റക്കാരനാണെന്നു കോടതി വിധിച്ചത്.

പ്രോസിക്യൂഷന്‍ ഹാജരാക്കിയ സാക്ഷിമൊഴികളും ശാസ്ത്രീയ തെളിവുകളും സാഹചര്യത്തെളിവുകളും പൂര്‍ണമായും കോടതി അംഗീകരിച്ചു. കൊലപാതകം നടക്കുമ്പോള്‍ ആന്റണി കേരളത്തില്‍ ഇല്ലായിരുന്നുവെന്നും പൊലിസുകാര്‍ കള്ളക്കേസില്‍ കുടുക്കിയതാണെന്നുമുള്ള വാദങ്ങള്‍ കോടതി അംഗീകരിച്ചില്ല. കഴിഞ്ഞ മാസം 14നു തുടങ്ങിയ വിചാരണനടപടികള്‍ ഈമാസം 18നാണു പൂര്‍ത്തിയായത്. 2012 ജൂണ്‍ 26നാണ് മണിയന്‍പിള്ളയെ ആട് ആന്റണി കുത്തിക്കൊലപ്പെടുത്തിയത്.

ആട് ആന്റണിയുടെ പേരിലുള്ള മറ്റു കേസുകളുടെ വിചാരണയും ഉടന്‍ ആരംഭിക്കും. രാത്രി പരിശോധനയ്ക്കിടെ പാരിപ്പള്ളി കുളമട റോഡിലെ ജവഹര്‍ ജങ്ഷനു സമീപമായിരുന്നു പാരിപ്പള്ളി സ്റ്റേഷനിലെ പൊലിസ് ഡ്രൈവര്‍ പൂയപ്പള്ളി കൊട്ടറ കൈതറ പൊയ്കയില്‍ മണിയന്‍പിള്ള(48) കുത്തേറ്റു മരിച്ചത്. ജങ്ഷനു സമീപത്തെ കംപ്യൂട്ടര്‍ സ്ഥാപനത്തില്‍ കവര്‍ച്ച നടത്താന്‍ വാന്‍ റോഡരികിലിട്ടു കാത്തുനില്‍ക്കുകയായിരുന്നു ആന്റണി. ഈ സമയം ജീപ്പില്‍ വന്ന ജോയിയും മണിയന്‍പിള്ളയും സംശയകരമായ സാഹചര്യത്തില്‍ കാണപ്പെട്ട പ്രതിയെ ചോദ്യം ചെയ്യാനാണു കസ്റ്റഡിയിലെടുത്തത്. പിന്‍സീറ്റിലിരുന്ന ആന്റണി കൈവശം കരുതിയ കത്തി ഉപയോഗിച്ചാണു മണിയന്‍ പിള്ളയുടെ നെഞ്ചില്‍ കുത്തിയത്.

ഒപ്പമുïായിരുന്ന ഗ്രേഡ് എസ്.ഐ പൂയപ്പള്ളി ചെങ്കുളം പനവിളവീട്ടില്‍ ജോയി വയറ്റത്തു കുത്തേറ്റ് ആറുമാസം ചികില്‍സയില്‍ കഴിഞ്ഞു. ആക്രമണത്തിനു ശേഷം വാനില്‍ വര്‍ക്കല ഭാഗത്തേക്കു കടന്ന പ്രതി മൂന്നു കൊല്ലത്തോളം ഇന്ത്യയുടെ വിവിധ ഭാഗങ്ങളില്‍ ഒളിവിലായിരുന്നു. നീïകാലത്തെ തിരച്ചിലിനൊടുവില്‍ പാലക്കാട് ഗോപാലപുരത്തുനിന്നു 2015 ഒക്ടോബര്‍ 13നു ചിറ്റൂര്‍ പൊലിസാണു പിടികൂടിയത്.

കോടതിയിലെത്തി ശിക്ഷാവിധി റിപ്പോര്‍ട്ട് ചെയ്യുന്നതിനു മാധ്യമങ്ങള്‍ക്കു വിലക്ക് ഏര്‍പ്പെടുത്തിയിരുന്നു. ഇതുമായി ബന്ധപ്പെട്ടു നേരിയ സംഘര്‍ഷം കോടതിവളപ്പിലുïായിരുന്നു. മാധ്യമപ്രവര്‍ത്തകര്‍ കോടതി വളപ്പിനകത്തു പ്രവേശിച്ചാല്‍ തടയുമെന്നും അഭിഭാഷകര്‍ ജഡ്ജിയെ അറിയിച്ചു. ഇതോടെ പൊലിസ് മാധ്യമപ്രവര്‍ത്തകരോട് കോടതിയില്‍ പ്രവേശിക്കരുതെന്ന് ആവശ്യപ്പെടുകയായിരുന്നു.

ആട് ആന്റണിയുടെ പണം വേïെന്ന് പൊലിസുകാരന്റെ കുടുംബം
ആട് ആന്റണിയുടേത് മോഷണമുതലാണെന്നും അതിനാല്‍ ആ പണം തങ്ങള്‍ക്കു വേïെന്നും മണിയന്‍പിള്ളയുടെ കുടുംബം വ്യക്തമാക്കിയിരുന്നു. തുടര്‍ന്ന് സര്‍ക്കാരില്‍ നിന്നുള്ള നഷ്ടപരിഹാരം കുടുംബത്തിന് ലഭ്യമാക്കാന്‍ പ്രോസിക്യൂഷന്‍ കോടതിയില്‍ വാദിച്ചു.

രïുലക്ഷം രൂപ സര്‍ക്കാര്‍ മണിയന്‍പിള്ളയുടെ കുടുംബത്തിനു നല്‍കണമെന്നു കോടതി ആവശ്യപ്പെട്ടു.