മുക്കം: അവകാശങ്ങള്‍ നിഷേധിക്കപ്പെടുന്ന കേരളത്തിലെ തോട്ടംതൊഴിലാളികളുടെ അവകാശ സമരങ്ങളെ ആം ആദ്മി പാര്‍ട്ടി പിന്തുണക്കുമെന്ന് സംസ്ഥാന കണ്‍വീനര്‍ സി.ആര്‍ നീലകണ്ഠന്‍. പെമ്പിളൈ ഒരുമൈ നേതാക്കള്‍ക്ക് മുക്കത്ത് നല്‍കിയ സ്വീകരണ പരിപാടി  ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഷൗക്കത്ത് അലി എരോത്ത് അധ്യക്ഷനായി. വിനോദ് മേക്കോത്ത് മുഖ്യപ്രഭാഷണം നടത്തി. പെമ്പിളൈ ഒരുമൈ പ്രസിഡന്റ് കൗസല്യ തങ്കമണി, സെക്രട്ടറി രാജേശ്വരി, ബ്ലോക്ക് പഞ്ചായത്ത് അംഗം ഗോമതി എന്നിവരെ  മുഹമ്മദ് അലി ചേന്ദമംഗലൂര്‍, ജോസഫ് നെടുങ്ങനാല്‍, എം.കെ ബാലകൃഷ്ണന്‍ എന്നിവര്‍ പൊന്നാടയണിയിച്ചു.  
നാസര്‍ സെഞ്ചുറി, സൂസന്‍ ജോര്‍ജ്, സനോവര്‍, എസ്.എ അബൂബക്കര്‍, അഭിലാഷ് ദാസ്, കെ.ടി നജീബ്, മഹമൂദ് ചേന്ദമംഗലൂര്‍, ശരീഫ് ചേന്ദമംഗലൂര്‍ സംസാരിച്ചു.