കണ്ണൂര്‍: രാജ്യം അസ്വസ്ഥമാകുമ്പോള്‍ പ്രതിഷേധത്തിന്റെ ശബ്ദം നിലയ്ക്കാതിരിക്കട്ടെയെന്ന് എസ്.ഡി.പി.ഐ ദേശീയ പ്രസിഡന്റ് എ. സഈദ്. സംഘപരിവാര്‍ ഭീകരതയ്‌ക്കെതിരേ മതേതര ഇന്ത്യ എന്ന പ്രമേയത്തില്‍ എസ്.ഡി.പി.ഐ ജില്ലാ കമ്മിറ്റി സംഘടിപ്പിച്ച പ്രതിഷേധ സംഗമം കണ്ണൂര്‍ സ്റ്റേഡിയം കോര്‍ണറില്‍ ഉദ്ഘാടനം ചെയ്യുകയായിരുന്നു അദ്ദേഹം. വര്‍ഗീയവാദികള്‍ക്ക് ആവേശം കൈവന്നിരിക്കുകയാണ്. ഗോസംരക്ഷണത്തിന്റെ പേരില്‍ തുടര്‍ച്ചയായ ആക്രമണങ്ങള്‍ നടക്കുകയാണ്.
ഇന്ത്യയിലെ ഫാഷിസ്റ്റുകള്‍ മുന്‍പ് തന്നെ ലക്ഷ്യമിട്ടിട്ടുള്ള മുസ്‌ലിംകളും ദലിതുകളുമാണ് ഗോസംരക്ഷണത്തിന്റെ പേരിലുള്ള ആധ്യാത്മിക ഗുണ്ടകളുടെ ആക്രമണത്തിനു ഇരകളാവുന്നതെന്നും സഈദ് പറഞ്ഞു.