കട്ടാങ്ങല്‍: മുക്കം ഉപജില്ലാ അറബിക് ടാലന്റ് പരീക്ഷയില്‍ എല്‍.പി വിഭാഗത്തില്‍ ജി.എം.യു.പി ചേന്ദമംഗല്ലൂര്‍ ഒന്നാം സ്ഥാനവും ജി.എച്ച്.എസ് ചെറുവാടി രണ്ടാം സ്ഥാനവും യു.പി വിഭാഗത്തില്‍ എ.യു.പി.എസ് പന്നിക്കോട് ഒന്നാം സ്ഥാനവും എഫ്.എച്ച്.എം.എസ് കൂമ്പാറ രണ്ടാം സ്ഥാനവും, ഹൈസ്‌കൂള്‍ വിഭാഗത്തില്‍ ചേന്ദമംഗല്ലൂര്‍ ഹൈസ്‌കൂള്‍ ഒന്നാം സ്ഥാനവും പി.ടി.എം.എച്ച്.എസ് കൊടിയത്തൂര്‍ രണ്ടാം സ്ഥാനവും ഹയര്‍ സെക്കന്‍ഡറി വിഭാഗത്തില്‍ ചേന്ദമംഗല്ലൂര്‍ ഹയര്‍ സെക്കന്‍ഡറി സ്‌കൂള്‍ ഒന്നാം സ്ഥാനവും മുക്കം ഓര്‍ഫനേജ് ഹയര്‍ സെക്കന്‍ഡറി സ്‌കൂള്‍ രണ്ടാം സ്ഥാനവും നേടി.
സമാപന സമ്മേളനം മുക്കം ഉപജില്ലാ വിദ്യാഭ്യാസ ഓഫിസര്‍ ലൂക്കോസ് മാത്യു ഉദ്ഘാടനം ചെയ്തു. അബ്ദുല്‍ റഷീദ് അല്‍ ഖാസിമി അധ്യക്ഷനായി. ഡോ. കെ. അബ്ദുല്‍ ഗഫൂര്‍ സമ്മാനം വിതരണം ചെയ്തു. കീലത്ത് അബ്ദുറഹ്മാന്‍ മാസ്റ്റര്‍ മുഖ്യപ്രഭാഷണം നടത്തി. മുഹമ്മദ് മാസ്റ്റര്‍, പ്രിന്‍സിപ്പല്‍ അബ്ദു മാസ്റ്റര്‍, അബ്ദുല്‍ മജീദ് മാസ്റ്റര്‍, വൈ.പി അബൂബക്കര്‍ മാസ്റ്റര്‍, അഹമ്മദ് അമീന്‍, പി.കെ അബ്ദുല്‍ ഹക്കീം, പി.പി ഹംസ, മജീദ് മുത്താലം, സബാഹ് ബാനു ടീച്ചര്‍, മീരാന്‍, സലീന ടീച്ചര്‍ സംസാരിച്ചു.