സോമവാര്‍പേട്ട: ഉടമയെ കബളിപ്പിച്ച് എ.ടി.എമ്മില്‍ നിന്നു 9,000 രൂപ തട്ടിയെടുത്തു. സോമവാര്‍പേട്ടക്കടുത്ത തോളൂറു ശെട്ടള്ളിയിലെ  എല്‍.ഡി ജഗദീശിന്റെ അക്കൗണ്ടില്‍ നിന്നാണ് പണം പിന്‍വലിച്ചത്. കഴിഞ്ഞദിവസം ജഗദീശിന്റെ മൊബൈല്‍ ഫോണിലേക്ക് വിളിച്ച അപരിചിതന്‍ താന്‍ ബംഗളൂരു എസ്.ബി.ഐ ബാങ്ക് മാനേജരാണെന്ന് പരിചയപ്പെടുത്തുകയായിരുന്നു. കാര്‍ഡ് പരിശോധിക്കണമെന്നും അതിനാല്‍ എ.ടി.എം നമ്പര്‍ നല്‍കണമെന്നും ആവശ്യപ്പെട്ടു. ജഗദീശ് കാര്‍ഡ് നമ്പര്‍ കൈമറി. അല്‍പ്പസമയം കഴിഞ്ഞ് ബാങ്ക് ബാലന്‍സ് പരിശോധിച്ചപ്പോഴാണ് പണം നഷ്ടപ്പെട്ട വിവരം അറിയുന്നത്. ആദ്യം 8,889 രൂപയും രണ്ടാം തവണ 1,000 രൂപയുമാണ് പിന്‍വലിച്ചത്. നമ്പറിലേക്ക് തിരിച്ചു വിളിച്ചപ്പോള്‍ നിങ്ങളുടെ കാര്‍ഡ് ക്ലിയറായിരിക്കുന്നുവെന്നും കുടുംബത്തിന്റെ നമ്പര്‍ കൂടി തരികയാണങ്കില്‍ അതും ശരിപ്പെടുത്താമെന്നുമായിരുന്നത്രേ  മറുപടി.