പയ്യന്നൂര്‍: നാവിക അക്കാദമി മാലിന്യ പ്ലാന്റ് അടച്ചു പൂട്ടണമെന്നാവശ്യപ്പെട്ട് അക്കാദമി ഗെയിറ്റിനു മുന്നില്‍ ജന ആരോഗ്യ സംരക്ഷണ സമിതി നടത്തുന്ന സമരം 80ാം ദിവസത്തേക്ക് കടന്നു. സമരപന്തലില്‍ കെ.പി പരമേശ്വരിയുടെ നിരാഹാര സമരം മൂന്നാം ദിവസത്തിലേക്ക് എത്തി. അഭിവാദ്യമര്‍പ്പിച്ച് സമരസമിതി പ്രവര്‍ത്തകര്‍ രാമന്തളി ടൗണില്‍ പ്രകടനം നടത്തി. നാവിക അക്കാദമിയില്‍ പാസിങ് ഔട്ട് പരേഡ് നടക്കുന്ന 25 മുതല്‍ ശക്തമായ സമരപരിപാടികള്‍ക്ക് സമരസമിതി രൂപം നല്‍കുമെന്ന് ഭാരവാഹികള്‍ അറിയിച്ചു.