മലപ്പുറം: സമസ്തയ്ക്കു കീഴില്‍ പ്രവര്‍ത്തിക്കുന്ന മത സ്ഥാപനങ്ങളിലെ പൂര്‍വവിദ്യാര്‍ഥി കൂട്ടായ്മയായ സമസ്ത അലുംനി കോഡിനേഷന്‍ ലീഡേഴ്‌സ് മീറ്റ് 'തബ്‌സ്വിറ 18' യങ് സ്‌കോളേഴ്‌സ് സമ്മിറ്റ് ഒക്ടോബര്‍ 18നു ചെമ്മാട് ദാറുല്‍ഹുദാ കാംപസില്‍ നടക്കും.
സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. പാണക്കാട് സയ്യിദ് സാദിഖലി ശിഹാബ് തങ്ങള്‍ അധ്യക്ഷനാകും. പാണക്കാട് സയ്യിദ് ഹമീദലി ശിഹാബ് തങ്ങള്‍, കെ. ആലിക്കുട്ടി മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍, ഡോ. ബഹാഉദ്ദീന്‍ മുഹമ്മദ് നദ്‌വി, എ.വി അബ്ദുറഹ്മാന്‍ മുസ്‌ലിയാര്‍, അബ്ദുല്‍ ഹക്കീം ഫൈസി ആദൃശ്ശേരി, അബ്ദുല്‍ ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, സത്താര്‍ പന്തല്ലൂര്‍, ഫരീദ് റഹ്മാനി കാളികാവ്, എം.പി കടുങ്ങല്ലൂര്‍ സംസാരിക്കും. വിവിധ സെഷനുകളില്‍ ളിയാഉദ്ദീന്‍ ഫൈസി മേല്‍മുറി, അഹ്മദ് വാഫി കക്കാട്, ഡോ. സുബൈര്‍ ഹുദവി ചേകനൂര്‍ എന്നിവര്‍ വിഷയമവതരിപ്പിക്കും.
യോഗത്തില്‍ ഡോ. അബ്ദുറഹ്മാന്‍ ഫൈസി മുല്ലപ്പള്ളി, മുഹമ്മദ് കുട്ടി ദാരിമി കോടങ്ങാട്, ശാഹുല്‍ ഹമീദ് അന്‍വരി പൊട്ടച്ചിറ, ഡോ. സുബൈര്‍ ഹുദവി, ഫരീദ് റഹ്മാനി കാളികാവ്, ആര്‍.വി അബൂബക്കര്‍ യമാനി, ഉമര്‍ വാഫി കാവനൂര്‍, മുഹമ്മദലി അശ്അരി കരിപ്പൂര്‍, അബ്ദുല്‍ ലത്വീഫ് ബാഖവി ഏലംകുളം, സാദിഖ് നിസാമി, സാജിഹ് ശമീര്‍ അസ്ഹരി, സൈനുദ്ദീന്‍ ലത്വീഫി പങ്കെടുത്തു.