ചെന്നൈ: പുതിയ പാര്‍ട്ടി രൂപീകരിച്ച് ബി.ജെ.പിയുമായി സഖ്യം രൂപീകരിക്കുകയാണെന്നുള്ള വാര്‍ത്തകള്‍ നിഷേധിച്ച് ഡി.എം.കെ അധ്യക്ഷന്‍ എം.കെ സ്റ്റാലിന്റെ സഹോദരനും മുന്‍ നേതാവുമായ എം.കെ അഴഗിരി. റിപ്പോര്‍ട്ടുകള്‍ കേവലം അഭ്യൂഹം മാത്രമാണെന്നും സമയം വരുമ്പോള്‍ ഔദ്യോഗികമായി പ്രഖ്യാപനം നടത്തുന്നതിന് മടിയില്ലെന്നും നിയമസഭാ തെരഞ്ഞെടുപ്പിന് ശേഷം ഡി.എം.കെയില്‍ പിളര്‍പ്പുണ്ടാവുമെന്നും അദ്ദേഹം പറഞ്ഞു. അച്ചടക്ക ലംഘനത്തെത്തുടര്‍ന്ന് പുറത്താക്കപ്പെട്ടതിന് പിന്നാലെ ഡി.എം.കെയുമായി അകന്ന അഴഗിരി, പുതിയ പാര്‍ട്ടി രൂപീകരിക്കുമെന്നും ഈയാഴ്ച അമിത്ഷായുമായി ചര്‍ച്ചനടത്തുമെന്നും റിപ്പോര്‍ട്ടുകള്‍ ഉണ്ടായിരുന്നു.