തേഞ്ഞിപ്പലം: പ്രായപൂര്‍ത്തിയാകാത്ത കോളജ് വിദ്യാര്‍ഥിനിയെയും കൊണ്ട് ഒളിച്ചോടിയ യുവാവു പൊലിസ് സറ്റേഷനില്‍ ഹാജരായി. പെണ്‍കുട്ടിയെ തട്ടിക്കൊണ്ടുപോയെന്ന് ആരോപണമുന്നയിച്ച് പെണ്‍കുട്ടിയുടെ വീട്ടുകാര്‍ തേഞ്ഞിപ്പലം പൊലിസില്‍ പരാതി നല്‍കിയിരുന്നു.
ഇതേത്തുടര്‍ന്നു പൊലിസ് അന്വേഷണം ആരംഭിച്ചപ്പോള്‍ ഇരുവരും മടങ്ങിയെത്തി സ്റ്റേഷനില്‍ ഹാജരാവുകയായിരുന്നു. തുടര്‍ന്നു പെണ്‍കുട്ടിയെ പരപ്പനങ്ങാടി കോടതിയില്‍ ഹാജരാക്കി  ബന്ധുക്കള്‍ക്കൊപ്പം വിട്ടയച്ചു. എന്നാല്‍ 23കാരനായ ചെറുകാവ് ചാമപറമ്പ് സ്വദേശിക്കെതിരേ പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോയതിനു കേസ് നിലനില്‍ക്കും.