കോഴിക്കോട്: പന്തീരങ്കാവ് യു.എ.പി.എ കേസില്‍ അറസ്റ്റിലായ അലന്‍ ഷുഹൈബിന്റെ പിതാവും ആര്‍.എം.പി സ്ഥാനാര്‍ഥിയുമായ മുഹമ്മദ് ഷുഹൈബിനെ പിന്തുണക്കേണ്ടതില്ലെന്ന നിലപാടില്‍ യു.ഡി.എഫ്. കോഴിക്കോട് കോര്‍പറേഷനിലെ വലിയങ്ങാടി വാര്‍ഡില്‍ നിന്നാണ് മുഹമ്മദ് ഷുഹൈബ് മത്സരിക്കുന്നത്. വലിയങ്ങാടിയില്‍ കോണ്‍ഗ്രസിലെ എസ് കെ അബൂബക്കര്‍ മത്സരിക്കും.

കഴിഞ്ഞ തവണ ഇവിടെ യു.ഡി.എഫ് വിജയിച്ചതാണ്. എല്‍.ജെ.ഡിക്കായിരുന്നു സീറ്റ്. സി.പി.എമ്മിന്റെ നയവ്യതിയാനത്തില്‍ പ്രതിഷേധിച്ചാണ് സ്ഥാനാര്‍ഥിയാകുന്നതെന്ന് മുഹമ്മദ് ഷുഹൈബ് നേരത്തെ പ്രതികരിച്ചിരുന്നു.

അലനെ പന്തീരങ്കാവ് മാവോയിസ്റ്റ് കേസില്‍ അറസ്റ്റ് ചെയ്ത് യു.എ.പി.എ ചുമത്തിയിരുന്നു. സി.പി.എം കുറ്റിച്ചിറ തങ്ങള്‍സ് റോഡ് മുന്‍ ബ്രാഞ്ച് സെക്രട്ടറിയായിരുന്നു മുഹമ്മദ് ഷുഹൈബ്.