കൊളംബോ: മയക്കുമരുന്ന് കേസില്‍ വധ ശിക്ഷക്ക് വിധിക്കപ്പെട്ട നാല് പേരുടെ മൊറട്ടോറിയം അവസാനിപ്പിക്കുന്ന ഉത്തരവില്‍ ശ്രീലങ്കന്‍ പ്രസിഡന്റ് മൈത്രിപാല സിരിസേന ഒപ്പുവച്ചു. നാലുപേരുടെ മരണ വാറണ്ടില്‍ ഒപ്പുവച്ചെന്ന് സിരിസേന മാധ്യമപ്രവര്‍ത്തകരോട് പറഞ്ഞു. തടവുപുള്ളികള്‍ക്കിടയില്‍ പ്രശ്‌നങ്ങളുണ്ടാവാന്‍ സാധ്യതയുള്ളതിനാല്‍ അവരുടെ പേര് പ്രഖ്യാപിക്കില്ലെന്ന് അദ്ദേഹം പറഞ്ഞു. ഇവരുടെ വധശിക്ഷ എപ്പോഴാണെന്ന കാര്യം അദ്ദേഹം വെളിപ്പെടുത്തിയിട്ടില്ല. എന്നാല്‍ ഉടന്‍ തന്നെയുണ്ടാവുമെന്നും രാജ്യത്തെ ജയിലുകളിലുള്ള 24,000 തടവുകാരില്‍ 60 ശതമാനവും ലഹരിക്കേസുമായി ബന്ധപ്പെട്ടതാണെന്നും അദ്ദേഹം വ്യക്തമാക്കി. ശ്രീലങ്കയില്‍ ഇതുവരെ വധശിക്ഷ നടപ്പാക്കിയിട്ടില്ല. വധശിക്ഷാ നടപടികള്‍ അവസാനിപ്പിക്കണമെന്ന് ആംനെസ്റ്റി ഇന്റര്‍നാഷനല്‍ ശ്രീലങ്കയോട് ആവശ്യപ്പെട്ടു.