ദമസ്‌കസ്: സിറിയയില്‍ ഇസ്‌റാഈല്‍ വ്യോമാക്രമണത്തില്‍ മൂന്ന് സൈനികര്‍ കൊല്ലപ്പെട്ടു. വടക്കന്‍ അതിര്‍ത്തി പ്രദേശങ്ങളില്‍ സ്‌ഫോടക വസ്തുക്കള്‍ കണ്ടെത്തിയിരുന്നുവെന്നും അതിന്റെ തിരിച്ചടിയാണ് ആക്രമണമെന്നുമാണ് ഇസ്‌റാഈലിന്റെ പ്രതികരണം.

ഇറാനിയന്‍ ഖുഗ്‌സ് ഫോഴ്‌സിന്റെയും സിറിയന്‍ സൈന്യത്തിന്റെയും കേന്ദ്രത്തിനു നേരെ ആക്രമണം നടത്തിയതായി ഇസ്‌റാഈല്‍ സൈന്യം അറിയിച്ചു. സിറിയന്‍ സൈന്യത്തിന്റെ ആസ്ഥാനവും ആയുധശേഖരങ്ങളും ലക്ഷ്യമാക്കിയായിരുന്നു ആക്രമണമെന്നും ഇസ്‌റാഈല്‍ സൈന്യം അറിയിച്ചു.

ഇസ്‌റാഈല്‍ അധിവേഷത്തില്‍ മൂന്നു സൈനികര്‍ കൊല്ലപ്പെട്ടതായി സിറിയന്‍ ഒദ്യോഗിക വാര്‍ത്താഏജന്‍സിയായ സന റിപ്പോര്‍ട്ട് ചെയ്തു. 2011ല്‍ സിറിയയില്‍ ആഭ്യന്തര സംഘര്‍ഷം തുടങ്ങിയിന് ശേഷം ഇറാനിയന്‍, ഹിസ്ബുല്ല കേന്ദ്രങ്ങളെ ലക്ഷ്യംവച്ച് സിറിയയില്‍ ഇസ്‌റാഈല്‍ നിരവധി വ്യോമാക്രമണങ്ങള്‍ നടത്തിയിരുന്നു.