ലണ്ടന്‍: ബ്രയാന്‍ ലാറക്ക് ശേഷം വിന്‍ഡീസ് ക്രിക്കറ്റിന്റെ വെടിക്കെട്ട് ബാറ്റ്‌സ്മാന്‍ ക്രിസ് ഗെയില്‍ ക്രിക്കറ്റില്‍നിന്ന് വിരമിക്കല്‍ പ്രഖ്യാപിച്ചു. ഓഗസ്റ്റില്‍ ഇന്ത്യക്കെതിരായ വെസ്റ്റ് ഇന്‍ഡീസിന്റെ ടെസ്റ്റ് പരമ്പരയ്ക്ക് ശേഷം അന്താരാഷ്ട്ര ക്രിക്കറ്റില്‍നിന്ന് വിരമിക്കുകയാണെന്നാണ് ഗെയില്‍ പ്രഖ്യാപിച്ചത്. വെസ്റ്റ് ഇന്‍ഡീസില്‍വച്ച് ഓഗസ്റ്റ്-സെപ്റ്റംബര്‍ മാസങ്ങളിലാണ് ടെസ്റ്റ് പരമ്പര നടക്കുന്നത്.

വിന്‍ഡീസിന് വേ@ണ്ടി 103 ടെസ്റ്റുകള്‍, 295 ഏകദിനങ്ങള്‍, 58 ടി20 കള്‍ എന്നിവയില്‍ ക്രിസ് ഗെയില്‍ പാഡണിഞ്ഞിട്ടുണ്ട്. ലോകകപ്പിന് മുന്‍പ് തന്നെ വെസ്റ്റ് ഇന്‍ഡീസിന് വേണ്ട@ിയുള്ള തന്റെ അവസാന ഏകദിന പരമ്പരയായിരിക്കുമിതെന്ന് താരം പ്രഖ്യാപിച്ചിരുന്നു. ടെസ്റ്റ് ക്രിക്കറ്റില്‍ 15 സെഞ്ചുറികള്‍ ഉള്‍പ്പെടെ 7214 റണ്‍സ് ഗെയില്‍ സ്വന്തം പേരില്‍ എഴുതിച്ചേര്‍ത്തിട്ടുണ്ട്. 333 റണ്‍സാണ് ടെസ്റ്റിലെ താരത്തിന്റെ ഏറ്റവും മികച്ച സ്‌കോര്‍. ഐ.പി.എല്‍ ചരിത്രത്തില്‍ 300 സിക്‌സറുകള്‍ അടിച്ച താരമെന്ന റെക്കോര്‍ഡ് ഗെയിലിന്റെ പേരിലാണ്. കഴിഞ്ഞ ഐ.പി.എല്‍ സീസണില്‍ വെടിക്കെട്ട് പ്രകടനം പുറത്തെടുത്ത ഗെയില്‍ ടി20 യില്‍ ഉണ്ടാകുമെന്ന പ്രതീക്ഷയിലാണ് ആരാധകര്‍.