എടപ്പാള്‍:എടപ്പാള്‍ മേഖലയില്‍ വാട്ടര്‍ അതോറിറ്റിയുടെ പൈപ്പ് പൊട്ടുന്നത് പതിവായിട്ടും നടപടികളെടുക്കാതെ  അധികൃതര്‍ അനങ്ങാപ്പാറ നയം തുടരുന്നു.വാട്ടര്‍ അതോറിറ്റി ജലവിതരണം ആരംഭിക്കുന്നതോടെ പൊട്ടിയ ഭാഗത്തുകൂടി കുടിവെള്ളം പരന്നൊഴുകുന്നു ഇത് കുടിവെള്ളം നഷ്ടപെടുന്നതോടൊപ്പം റോഡ് തകരുന്നതിലേക്കും  നയിക്കുന്നു.
എടപ്പാള്‍ തട്ടാന്‍പടിയില്‍ പൈപ്പ് തകര്‍ന്നിട്ട് ഒരാഴ്ചയിലധികമായിട്ടും അധികൃതരാരും ഇതുവരെ തിരിഞ്ഞ് നോക്കിയിട്ടില്ല.
ഇന്നലെ വൈകീട്ടോടെ എടപ്പാള്‍ പുള്ളുവന്‍ പടിയിലും പൈപ്പ് പൊട്ടി കുടിവെള്ളം പാഴായികൊണ്ടിരിക്കുകയാണ്.പ്രശ്‌നത്തിന് ഉടന്‍ പരിഹാരം കാണണമെന്ന് നാട്ടുകാര്‍ അധികൃതരോട് ആവശ്യപ്പെട്ടു.