കോടഞ്ചേരി: സ്‌കൂള്‍ സമയത്ത് രാവിലെ കോടഞ്ചേരിയില്‍നിന്ന് നിരന്നപാറയിലേക്ക് പോകുകയായിരുന്ന ടിപ്പര്‍ ലോറികള്‍ വാര്‍ഡ് മെംബര്‍ ചിന്ന അശോകന്റെ നേതൃത്വത്തില്‍ നാട്ടുകാര്‍ തടഞ്ഞു.
പിന്നീട് പൊലിസ് സ്ഥലത്തെത്തിയെങ്കിലും നാട്ടുകാര്‍ ടിപ്പറുകള്‍ എടുത്ത് മാറ്റാന്‍ സമ്മതിച്ചില്ല. സ്ഥലത്തെത്തിയ പഞ്ചായത്ത് പ്രസിഡന്റ് ലിസി ചാക്കോ പൊലിസും നാട്ടുകാരും ടിപ്പര്‍ ഡ്രൈവര്‍മാരുമായി ചര്‍ച്ച നടത്തിയതിനെ തുടര്‍ന്നാണ് ടിപ്പറുകള്‍ എടുത്തുമാറ്റാന്‍ നാട്ടുകാര്‍ സമ്മതിച്ചത്. ചര്‍ച്ചയെ തുടര്‍ന്ന് സ്‌കൂള്‍ സമയത്ത് മേലില്‍ ഇതുവഴി ടിപ്പര്‍ ഓടിക്കില്ലെന്ന്  ഡ്രൈവര്‍മാര്‍ ഉറപ്പ് നല്‍കിയതിനു ശേഷമാണ്  ജനങ്ങള്‍ പിരിഞ്ഞുപോയത്.