തിരുവനന്തപുരം: സംസ്ഥാനത്ത് 44 തദ്ദേശ സ്വയംഭരണ വാര്‍ഡുകളില്‍ ഇന്ന് ഉപതെരഞ്ഞെടുപ്പ് നടക്കും.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം, വയനാട്, കണ്ണൂര്‍ ജില്ലകളിലെ 33 ഗ്രാമപഞ്ചായത്ത് വാര്‍ഡുകളിലെയും ആലപ്പുഴ, തൃശൂര്‍ ജില്ലകളിലെ ഓരോ ബ്ലോക്ക് പഞ്ചായത്ത് വാര്‍ഡുകളിലെയും കോട്ടയം, ഇടുക്കി ജില്ലകളില്‍ രണ്ടുവീതം ബ്ലോക്ക് പഞ്ചായത്ത് വാര്‍ഡുകളിലെയും ആലപ്പുഴ ജില്ലയില്‍ രണ്ട് നഗരസഭാ വാര്‍ഡുകളിലെയും ഇടുക്കി, മലപ്പുറം, കോഴിക്കോട് ജില്ലകളില്‍ ഓരോ നഗരസഭാ വാര്‍ഡുകളിലെയും ഉപതെരഞ്ഞെടുപ്പാണ് നടക്കുന്നത്.

വോട്ടെടുപ്പ് രാവിലെ ഏഴിന് ആരംഭിച്ച് വൈകിട്ട് 5ന് അവസാനിക്കും. വെള്ളിയാഴ്ചയാണ് വോട്ടെണ്ണല്‍.

44 വാര്‍ഡുകളില്‍ 23 എണ്ണം എല്‍.ഡി.എഫ് പ്രതിനിധികളുടേതായിരുന്നു. പതിനാലെണ്ണം യു.ഡി.എഫിന്റെയും നാലെണ്ണം ബി.ജെ.പിയുടെയും സിറ്റിങ് വാര്‍ഡുകളാണ്. മൂന്നിടത്ത് വിമതരും വിജയിച്ചിട്ടുണ്ട്.

ആറ് തദ്ദേശ സ്ഥാപനങ്ങളിലെ തെരഞ്ഞെടുപ്പ് നിര്‍ണാടയകമാണ്. ഭരണം നിര്‍ണയിക്കുന്ന ഈ ഉപതെരഞ്ഞെടുപ്പില്‍ വിജയിക്കുന്നയാളായിരിക്കും. 130 സ്ഥാനാര്‍ഥികളാണ് മൊത്തം മത്സരരംഗത്തുള്ളത്.