തുവ്വൂര്‍:  എ.പി.ജെ അബ്ദുല്‍ കലാമിന്റെ ഒന്നാം ചരമദിനം രാജ്യമെമ്പാടുമുള്ളവര്‍ സ്മരിക്കുമ്പോള്‍ ഒരു മണിക്കൂര്‍ സമയം കൂടുതല്‍ പ്രവര്‍ത്തിച്ച് തുവ്വൂര്‍ ഗവ: ഹയര്‍ സെക്കന്‍ഡറി സ്‌കൂളിന്റ മാതൃക.
എന്‍.എസ്.എസ് വിദ്യാര്‍ഥികളാണ് കൂടുതല്‍ സമയം ചിലവഴിക്കാന്‍ തയാറായത്. സ്‌കൂള്‍ പ്രവര്‍ത്തനം രാവിലെ എട്ടിനാരംഭിച്ചു ഒന്‍പതോടെ വിദ്യാര്‍ഥികളും അധ്യാപകരും പി.ടി.എ കമ്മിറ്റി അംഗങ്ങളും ഒത്തുചേര്‍ന്ന് കലാമിന്റെ സന്ദേശങ്ങള്‍ പങ്കുവെച്ച് സ്മരണ നടത്തി.  
സ്‌കൂള്‍ മുറ്റത്ത് ചേര്‍ന്ന ചടങ്ങില്‍ പ്രിന്‍സിപ്പല്‍, അബ്ദുല്‍ ബഷീര്‍, പി.ടി.എ പ്രസിഡന്റ് കെ.ടി ഉമ്മര്‍, സ്റ്റാഫ് സെക്രട്ടറി, പി. ശരത്ത്, വിദ്യാര്‍ഥികളായ ഷാനിഫ്, ഷുഹുക്, ജിന്‍ഷിയ സംസാരിച്ചു.