കോഴിക്കോട്: പട്ടാപ്പകല്‍ ചാലിയാര്‍ പുഴയിലേക്കു ചാടിയ വിദ്യാര്‍ഥിനി മരിച്ചു. പെണ്‍കുട്ടി പുഴയിലേക്ക് ചാടുന്നത് ഡ്രൈവര്‍ കണ്ടുവെങ്കിലും രക്ഷിക്കാനായില്ല.
പന്തീരാങ്കാവ് അറപ്പുഴ പാലത്തില്‍ നിന്ന് പുഴയിലേക്ക് ചാടിയ വിദ്യാര്‍ഥിനിയുടെ മൃതദേഹം ഉച്ചയ്ക്ക് രണ്ടരയോടെയാണ് കണ്ടെത്തിയത്.
രാവിലെ പതിനൊന്നരയോടെയാണ് സംഭവം.
പന്തീരാങ്കാവ് മീത്തല്‍ ചെറുകാട് പറമ്പ് കെ.മനീഷ (18) ആണ് മരിച്ചത്. മൃതദേഹം കോഴിക്കോട് മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി.
പാലത്തില്‍ നിന്ന് പെണ്‍കുട്ടി പുഴയിലേക്ക് ചാടുന്നത് ലോറി ഡ്രൈവറാണ് കണ്ടത്. ഇയാള്‍ നാട്ടുകാരെ വിവരമറിയിച്ചു. പുഴയിലുണ്ടായിരുന്ന മത്സ്യത്തൊഴിലാളികള്‍ തെരച്ചില്‍ നടത്തിയെങ്കിലും ഫലമുണ്ടായില്ല. തുടര്‍ന്നാണ് ഫയര്‍ഫോഴ്‌സിന്റെ സ്‌കൂബ ഡൈവിങ്ങ് സംഘം സ്ഥലത്തെത്തി തെരച്ചില്‍ നടത്തിയത്. മരണകാരണം വ്യക്തമായിട്ടില്ല.