ട്രിപ്പോളി: ലിബിയയില്‍ വ്യോമ ആസ്ഥാനത്തുണ്ടായ ആക്രമണത്തില്‍ 141 പേര്‍ കൊല്ലപ്പെട്ടു. കൊല്ലപ്പെട്ടവരില്‍ കൂടുതലും സൈനികരാണ്. വടക്കന്‍ ലിബിയയിലെ ബ്രക് അല്‍ഷാതി എയര്‍ബേസിലായിരുന്നു ആക്രമണം.

മേഖലയിലെ സാധാരണക്കാരും ഉള്‍പ്പെട്ടിട്ടുണ്ടെന്ന് ലിബിയന്‍ ദേശീയ സൈനിക വക്താവ് അഹ്മദ് അല്‍ മെസ്മരി പറഞ്ഞു. ആക്രമണത്തെക്കുറിച്ച് വിശദമായ അന്വേഷണത്തിന് ഉത്തരവിട്ടതായി ലിബിയന്‍ ദേശീയ സൈനിക വൃത്തങ്ങള്‍ അറിയിച്ചു.