കുറുവ : കുറുവ കൃഷിഭവന്റെയും ഗ്രാമപഞ്ചായത്തിന്റെയും സംയുക്ത ആഭിമുഖ്യത്തില്‍ നെല്‍കര്‍ഷകര്‍ക്കു വിത്ത് വിതരണം നടത്തി. പഞ്ചായത്ത് പ്രസിഡന്റ് യൂസുഫ് മുല്ലപ്പള്ളി ഉദ്ഘാടനം ചെയ്തു. കൃഷി വകുപ്പിന്റെ സുസ്ഥിര നെല്‍കൃഷി വികസന പദ്ധതി പഞ്ചായത്ത് ജനകീയാസൂത്രണ പദ്ധതി എന്നിവയിലൂടെ 130 ഏക്കറിലുള്ള കൃഷിയാണു പഞ്ചായത്തില്‍ നടപ്പിലാക്കുന്നത്.
    കൃഷി ഓഫീസര്‍ ഷുഹൈബ് തൊട്ടിയന്‍, വാര്‍ഡ് മെമ്പര്‍മാരായ എന്‍.പി.ഹംസ, കെ. അസ്സീസ്, പുഷ്പലത, ഷറഫുന്നീസ, സുലൈഖ, കൃഷി അസിസ്റ്റന്റുമാരായ ജയകൃഷ്ണന്‍, സജീഷ് എന്നിവര്‍ പങ്കെടുത്തു.