ന്യൂയോര്‍ക്ക്: ഇന്ത്യന്‍ വംശജനായ വിദ്യാര്‍ഥിയെ അമേരിക്കയില്‍ മരിച്ച നിലയില്‍ കണ്ടെത്തി. കോര്‍ണെല്‍ സര്‍വകലാശാല എഞ്ചിനീയറിങ് വിദ്യാര്‍ഥി ആലാപ് നരാസിപുര(20)യാണ് മരിച്ചത്. രാസിപുരയെ കഴിഞ്ഞ ബുധനാഴ്ച്ച മുതല്‍ കാണാതായിരുന്നു.

ഇത്താക്ക വെള്ളച്ചാട്ടത്തിനു താഴേയുള്ള വെള്ളക്കെട്ടിലാണ് രാസിപുരയെ മരിച്ച നിലയില്‍ കണ്ടെത്തിയത്.കോളജ്​ അധികൃതർ ന്യൂയോർക്ക്​ സ്​റ്റേറ്റ്​ ​പൊലിസിൽ നൽകിയ പരാതി തുടർന്ന്​ നടത്തിയ തെരച്ചിലിലാണ്​ മൃതദേഹം കണ്ടെത്തിയത്​.  മൃതദേഹം ആലാപി​ന്‍റേതാണെന്ന്​ കോളജ്​ അധികൃതർ സ്ഥിരീകരിച്ചു. 

മറ്റുവിവരങ്ങള്‍ ലഭ്യമായിട്ടില്ല. കോര്‍ണല്‍ പൊലിസ് മരണം സംബന്ധിച്ച് അന്വേഷണം ആരംഭിച്ചിട്ടുണ്ട്.