അബ്ദുല്‍ കലാമിനെ അനുസ്മരിച്ചു
തലശ്ശേരി: മുന്‍ രാഷ്ട്രപതി ഡോ.എ.പി.ജെ അബ്ദുല്‍ കലാമിനെ തലശ്ശേരി ജനത ആദരിച്ചു. തലശ്ശേരി ട്രാഫിക് പൊലിസ് സ്റ്റേഷനു സമീപത്തെ കലാമിന്റെ പ്രതിമയില്‍ വിവിധ സംഘടകളും പൊലിസും വിദ്യാര്‍ഥികളും പുഷ്പാര്‍ച്ചന നടത്തി. തലശ്ശേരി ചേമ്പര്‍ ഓഫ് കോമേഴ്‌സിന്റെ നേതൃത്വത്തില്‍ നടന്ന പുഷ്പാര്‍ച്ചനയ്ക്കു പി വിജയന്‍, കെ വിദ്യാധര്‍ ഷേണായ്, എം.ആര്‍ വിജയരാഘവന്‍, ടി.പി രമേഷ്ബാബു, പി.പി സൂരജ്, ടി.എം നസിമുദ്ദീന്‍, ടി.എച്ച് ഹരിദാസ്, പ്രദീപ് പ്രതിഭ, പ്രശാന്ത് പൈ എന്നിവര്‍ നേതൃത്വം നല്‍കി. തലശ്ശേരിയിലെ വിവിധ സ്‌കൂളുകളിലെ വിദ്യാര്‍ഥികളും കലാമിന് ആദരാജ്ഞലി അര്‍പ്പിച്ചു പുഷ്പാര്‍ച്ചനയും അനുസ്മരണ പരിപാടികളും സംഘടിപ്പിച്ചു. തലശ്ശേരി ട്രാഫിക് എസ്.ഐ മോഹന്‍ദാസിന്റെ നേതൃത്വത്തില്‍ പൊലിസുകാരും കലാം പ്രതിമയില്‍ പുഷ്പാര്‍ച്ചന നടത്തി.