തൃക്കരിപ്പൂര്‍: കേരളാ ഫുട്‌ബോള്‍ അസോസിയേഷന്റെ നേതൃത്വത്തില്‍ തൃക്കരിപ്പൂര്‍ രാജീവ് ഗാന്ധി സിന്തറ്റിക് സ്റ്റേഡിയത്തില്‍ ജില്ലാ ഫുട്‌ബോള്‍ അസോസിയേഷന്‍ ആതിഥ്യമരുളുന്ന 44ാമത് സംസ്ഥാന ജൂനിയര്‍ ഫുട്‌ബോള്‍ ചാംപ്യന്‍ഷിപ്പില്‍ ഇന്നലെ നടന്ന സെമിഫൈനല്‍ മത്സരത്തില്‍ എറണാകുളത്തെ മറുപടിയില്ലാത്ത ഒരു ഗോളിനു പരാജയപ്പെടുത്തി മലപ്പുറവും രണ്ടാം സെമിയില്‍ വയനാടിനെ എതിരില്ലാത്ത രണ്ടു ഗോളിനു പരാജയപ്പെടുത്തി കോഴിക്കോടും ഫൈനലില്‍ കടന്നു. മികച്ച കളിക്കാരനായി എറണാകുളത്തിന്റെ അബ്ദുല്‍ ബാദിഷ, കോഴിക്കോടിന്റെ ഫിമിസ് എന്നിവരെ തിരഞ്ഞെടുത്തു. ഇന്നു രാവിലെ മൂന്നാം സ്ഥാനത്തിനു വേണ്ടി എറണാകുളവും വയനാടും തമ്മില്‍ ഏറ്റുമുട്ടും. വൈകിട്ട് നടക്കുന്ന ഫൈനലില്‍ മലപ്പുറം കോഴിക്കോടിനെ നേരിടും.