തൃക്കരിപ്പൂര്‍: വെളുത്തമ്പു ഫൗണ്ടേഷന്റെ നേതൃത്വത്തില്‍ സഹകാരികള്‍ക്കായി ഏര്‍പ്പെടുത്തിയ കെ. വെളുത്തമ്പു സ്മാരക സംസ്ഥാന സഹകാരി പുരസ്‌കാരം ഹൊസ്ദുര്‍ഗ് പ്രാഥമിക സഹകരണ കാര്‍ഷിക ബാങ്ക് പ്രസിഡന്റും സ്വാതന്ത്ര്യസമര സേനാനിയുമായ കെ.വി നാരായണന് കെ.പി.സി.സി ജനറല്‍ സെക്രട്ടറി കെ.പി കുഞ്ഞിക്കണ്ണന്‍ സമര്‍പ്പിച്ചു.
കെ.എം.കെ ഹാളില്‍ നടന്ന ചടങ്ങില്‍ ഫൗണ്ടേഷന്‍ ചെയര്‍മാന്‍ അഡ്വ. കെ.കെ രാജേന്ദ്രന്‍ അധ്യക്ഷനായി. വിവിധ മേഖലകളില്‍ ഉന്നത വിജയം നേടിയ വിദ്യാര്‍ഥികളെ കാഷ് അവാര്‍ഡും പ്രിയദര്‍ശിനി പുരസ്‌കാരവും നല്‍കി അനുമോദിച്ചു. കെ. ശശി അവാര്‍ഡ് ജേതാവിനെ പരിചയപ്പെടുത്തി.
ഡി.സി.സി വൈസ് പ്രസിഡന്റ് പി.കെ ഫൈസല്‍, കെ.പി പ്രകാശന്‍, പി.വി കണ്ണന്‍ മാസ്റ്റര്‍, കെ.വി മുകുന്ദന്‍, ജില്ലാ പഞ്ചായത്ത് അംഗം പി.വി പത്മജ, ബ്ലോക്ക് പഞ്ചായത്ത് അംഗം സി. രവി, കെ.വി വിജയന്‍, കെ.പി ജയദേവന്‍, ഷാജി തൈക്കീല്‍ എന്നിവര്‍ സംസാരിച്ചു.
അവാര്‍ഡ് തുക പ്രളയ ദുരിതാശ്വാസ പ്രവര്‍ത്തനങ്ങള്‍ക്കായി നല്‍കാന്‍ ഫൗണ്ടേഷന്‍ ഭാരവാഹികളെ അവാര്‍ഡ് ജേതാവ് കെ.വി നാരായണന്‍ ഏല്‍പിച്ചു.